लोणीकंद–पेरणे गटाची काशी–अयोध्या देवदर्शन यात्रा दणक्यात ; पै. किरण साकोरे यांचे नियोजन ठरले यशस्वी…

लोणीकंद : दि. १८ नोव्हेंबर रोजी प्रदिपदादा कंद युवा मंच आणि पै. किरण साकोरे मित्र परिवार यांच्या संयुक्त विद्यमाने आयोजित काशी–अयोध्या देवदर्शन यात्रेचा दुसरा टप्पा भक्तिभावाच्या आणि उत्साहाच्या उंच शिखरावर यशस्वीरीत्या पार पडला. अवघ्या कमी कालावधीत सलग दोन टप्प्यांचे सुयोग्य नियोजन, नीटनेटके व्यवस्थापन आणि यात्रेकरूंच्या समाधानकारक अनुभवामुळे संपूर्ण लोणीकंद–पेरणे जिल्हा परिषद गटात पै. किरण साकोरे यांच्या पुढील वाटचालीबाबतची चर्चा जोरदार रंगू लागली आहे.

अयोध्येतील कार्यक्रमात लोणीकंद येथील यात्रेकरूंनी पै. किरण साकोरे यांना खांद्यावर घेताना…

यात्रेकरूंची श्रद्धा आणि भावनिक प्रतिक्रिया…

काशी विश्वेश्वर, अयोध्येचे, प्रभू श्रीराम आणि गटातील मायबाप जनतेच्या आशीर्वादामुळे पै. किरण साकोरे यशस्वी दावेदार ठरणार असल्याची भावना यात्रेतील भाविकांनी व्यक्त केली. काशीत झालेल्या गंगा आरतीत लोणीकंदचे माजी आदर्श सरपंच श्रीकांत कंद आणि सरपंच मोनाली कंद यांच्या हस्ते पार पडलेला प्रमुख सोहळा यात्रेचे आकर्षण ठरला. लोणीकंद येथील इतर मान्यवरांच्या हस्तेही आरती संपन्न झाली.

व्यवस्थापनाला सर्वत्र दाद…

पुणे–वाराणसी–अयोध्या असा संपूर्ण प्रवास प्रदिपदादा कंद युवा मंच, पै. किरण साकोरे मित्र परिवार आणि सेवाभावी स्वयंसेवकांनी अत्यंत काटेकोरपणे आखला. भोजन, निवास, पाणी, आरोग्य सेवा, वयोवृद्धांसाठी विशेष व्यवस्था – सर्व काही व्यवस्थित, शिस्तबद्ध. अनेक भाविकांनी समाधान व्यक्त करत म्हटले की, “अशा प्रेमळ आणि जबाबदारीपूर्ण व्यवस्थेचा अनुभव प्रथमच येत आहे.”

मान्यवरांचे मार्गदर्शन व पाठबळ…

या यात्रेच्या आयोजनाला पुणे जिल्हा परिषदेचे मा. अध्यक्ष व पीडीसीसी बँकेचे संचालक, भाजप जिल्हाध्यक्ष प्रदिप कंद, आमदार ज्ञानेश्वर (माऊली) कटके, महाराष्ट्र राज्य कुस्तीगीर संघाचे कार्याध्यक्ष तसेच भाजप क्रीडा आघाडीचे प्रदेशाध्यक्ष पै. संदीप भोंडवे, यशवंत साखर कारखान्याचे चेअरमन सुभाष जगताप, हवेली पं.स.चे माजी उपसभापती ज्ञानेश्वर वाळके, हवेली कृ.उ.बाजार समितीचे मा. उपसभापती रविंद्र कंद, जि.प. सदस्य शंकर भुमकर, हवेली पं.स.च्या माजी उपसभापती संजीवनी कापरे यांच्यासह ज्येष्ठांचे मार्गदर्शन मिळाले. युवक, तरुण आणि स्वयंसेवकांच्या सहकार्यातून यात्रेचे आयोजन भव्य स्वरूपात पूर्ण झाल्याचे पै. किरण साकोरे मित्र परिवाराने सांगितले.

आता तिसऱ्या टप्प्याची उत्सुकता शिगेला…

यात्रेचे दोन टप्पे अतिशय यशस्वीरीत्या पार पडल्यानंतर आता तिसऱ्या टप्प्याबाबत यात्रेकरू उत्सुक आहेत. २० नोव्हेंबर रोजी तिसऱ्या टप्प्याची रेल्वे यात्रेला निघणार असून,
आज सायंकाळी ६.०० वाजता पेरणे फाटा, गोल्डन पॅलेस येथे यात्रेकरूंसाठी भव्य संवाद मेळावा आयोजित केला आहे.

काशी विश्वेश्वर येथे माता गंगेची आरती श्रीकांत कंद, मोनाली कंद व मान्यवरांच्या हस्ते पार पडताना.

Editer sunil thorat