पुणे : हिंदुहृदयसम्राट, शिवसेना पक्षप्रमुख बाळासाहेब ठाकरे यांच्या जयंतीनिमित्त शिवसेना एकनाथ शिंदे गटाच्या वतीने सदाशिव पेठेतील नागनाथ पार येथे भावपूर्ण अभिवादन करण्यात आले. यावेळी बाळासाहेब ठाकरे यांच्या प्रतिमेस पुष्पहार अर्पण करून त्यांच्या विचारांना उजाळा देण्यात आला.
हा अभिवादन कार्यक्रम शिवसेनेचे पुणे शहर व जिल्हा शिक्षक-शिक्षकेतर संघाचे अध्यक्ष अनिल गडकरी सर तसेच कसबा विभाग प्रमुख निलेश जगताप यांच्या हस्ते पार पडला. बाळासाहेब ठाकरे यांनी आयुष्यभर हिंदुत्व, मराठी अस्मिता आणि सामान्य जनतेच्या हक्कासाठी केलेल्या लढ्याची उपस्थित शिवसैनिकांनी आठवण करून दिली.
या प्रसंगी उपस्थित शिवसैनिकांना लाडू व मिठाई वाटप करण्यात आले. कार्यक्रमात ज्येष्ठ शिवसैनिक राजाभाऊ भिलारे, सुधीर कुरुमकर, संघटक प्रकाश ढमढेरे, वडगाव शेरी प्रमुख शंकर संगम, आशुतोष शेडगे, प्रमोद प्रभुणे, निरंजन खवळे, महेंद्र जोशी, नवनाथ निवंगुणे, मीनल धनवडे, अकबर शेख, संदीप शिंदे यांच्यासह अनेक शिवसैनिक मोठ्या संख्येने उपस्थित होते.
बाळासाहेब ठाकरे यांचे विचार आणि त्यांनी दिलेले नेतृत्व आजही शिवसैनिकांसाठी प्रेरणास्थान असून, त्यांच्या विचारांचा वारसा पुढे नेण्याचा निर्धार यावेळी व्यक्त करण्यात आला.
Editer sunil thorat
