ड्रायव्हिंग लायसन्सबाबत मोठा बदल ; मोबाईल नंबर आधारला लिंक करणे अनिवार्य…
मुंबई : ड्रायव्हिंग लायसन्ससंदर्भात वाहतूक विभागाने मोठा निर्णय घेतला असून, त्याबाबतचा SMS अनेक नागरिकांच्या मोबाईलवर पोहोचायला सुरुवात झाली आहे. आता ड्रायव्हिंग लायसन्स आणि मोबाईल क्रमांक आधार कार्डाशी लिंक करणे अनिवार्य करण्यात आले आहे.
परिवहन विभागाने या बदलाची माहिती नागरिकांना एसएमएसद्वारे देणे सुरू केले आहे. हा निर्णय केवळ औपचारिक नसून, विविध सेवांना अधिक सुरक्षित, पारदर्शक आणि सुलभ बनवण्यासाठी हे पाऊल उचलण्यात आले आहे. आधार प्रमाणीकरणामुळे (Aadhaar Authentication) युजर्सची ओळख पडताळली जाईल.
रिअल-टाइम अपडेट्स मिळणार…
मोबाईल नंबर लिंक केल्यामुळे वाहन नोंदणी, परवाना नूतनीकरण, वाहतूक नियमभंगावर झालेला दंड अशा महत्त्वाच्या अपडेट्स थेट मोबाईलवर मिळतील. यामुळे नागरिक आणि विभाग यांच्यातील संवाद सुधारेल.
याशिवाय, काही जण चुकीची माहिती देऊन दंड टाळण्याचा किंवा नियमांचे उल्लंघन करून ओळख लपवण्याचा प्रयत्न करतात. मात्र, आधार आधारित पडताळणीमुळे हा गैरवापर थांबेल, असे अधिकाऱ्यांचे म्हणणे आहे.
मोबाईल नंबर कसा अपडेट कराल?
ही संपूर्ण प्रक्रिया ऑनलाइन करता येणार असून, यासाठी कार्यालयात जाण्याची गरज नाही. नागरिकांना parivahan.gov.in या अधिकृत वेबसाइटवर जाऊन किंवा ‘वाहन’ (Vaahan) आणि ‘सारथी’ (Sarathi) पोर्टलवरून मोबाईल नंबर अपडेट करता येईल.
प्रक्रिया अशी :
अधिकृत पोर्टलवर जा.
“Update Mobile Number via Aadhaar” हा पर्याय निवडा.
वाहन नोंदणी क्रमांक (Vehicle Registration Number) आणि चेसिस/इंजिन क्रमांक (Chassis/Engine Number) भरा.
आधारशी जोडलेल्या मोबाईल नंबरवर आलेला OTP टाकून प्रमाणीकरण पूर्ण करा.
👉 टीप : नागरिकांनी ही प्रक्रिया करताना संबंधित विभागाकडून माहितीची पुष्टी करूनच अंतिम सबमिशन करावे.
Editer sunil thorat
