लोणी काळभोर–कदमवाकवस्ती–वडकी परिसरात शितल कांबळे यांच्या प्रचाराला उस्फूर्त प्रतिसाद…
कदमवाकवस्ती : जिल्हा परिषद गट क्रमांक ४१ च्या निवडणुकीच्या पार्श्वभूमीवर लोणी काळभोर, कदमवाकवस्ती व वडकी परिसरात प्रचाराची रणधुमाळी सुरू झाली असून, या प्रचारात शितल सुजित कांबळे यांना मतदारांकडून मोठा आणि उत्स्फूर्त प्रतिसाद मिळत असल्याचे चित्र सध्या दिसून येत आहे. कोणताही पक्ष किंवा झेंडा नसतानाही जनतेशी थेट संवाद, साधेपणा आणि सामाजिक कार्याच्या बळावर शितल कांबळे यांनी अल्पावधीतच मतदारांच्या मनात स्थान निर्माण केले आहे.
प्रत्यक्ष नागरिकांशी संवाद साधताना शितल कांबळे यांना युवक, महिला तसेच ज्येष्ठ नागरिकांचा मोठ्या प्रमाणावर पाठिंबा मिळत आहे. प्रचारादरम्यान अनेक ठिकाणी नागरिकांची गर्दी उसळत असून, त्यांच्या कार्यपद्धतीबाबत समाधान व्यक्त केले जात आहे. परिसरातील मूलभूत प्रश्न, स्वच्छता, पाणीपुरवठा, रस्ते, महिला सशक्तीकरण, युवकांसाठी संधी तसेच शैक्षणिक विकास या मुद्द्यांवर त्यांनी मांडलेली भूमिका मतदारांना भावत असल्याचे दिसून येत आहे.
निवडणुकीतील चुरस दिवसेंदिवस वाढत असतानाच शितल कांबळे यांच्या उमेदवारीबाबत परिसरात सकारात्मक वातावरण तयार झाले आहे. “ना पक्ष, ना झेंडा, तरीही लोकप्रियतेच्या शिखरावर” अशी चर्चा नागरिकांमध्ये होत असून, सक्षम, स्वच्छ प्रतिमेचे व जनतेत मिसळणारे नेतृत्व म्हणून त्यांच्याकडे पाहिले जात आहे.
शितल कांबळे यांचे पती व सामाजिक कार्यकर्ते सुजित कांबळे यांच्या माध्यमातून सामाजिक कार्य, जनसंपर्क तसेच नातेवाईक, मित्रपरिवार आणि पै पाहुण्यांच्या माध्यमातून मोठ्या प्रमाणावर पाठिंबा मिळत आहे. “उमेदवार असावा तर शितल कांबळे यांच्यासारखा असावा,” असा सूर लोणी काळभोर, कदमवाकवस्ती आणि वडकी परिसरातील नागरिकांकडून व्यक्त केला जात आहे.
दरम्यान, आपण आजपर्यंत सामाजिक कार्याच्या माध्यमातून जनतेशी जोडलेले राहिलो असून, त्याच विश्वासाच्या जोरावर या निवडणुकीत जनता जनार्दनाचा कौल आपल्यालाच मिळेल, असा विश्वास शितल कांबळे यांनी व्यक्त केला आहे. आगामी काही दिवसांत प्रचाराचा वेग आणखी वाढण्याची शक्यता असून, जिल्हा परिषद गट क्रमांक ४१ ची निवडणूक अधिकच रंगतदार होणार असल्याचे स्पष्ट संकेत मिळत आहेत.
Editer sunil thorat
