डॉ गजानन टिंगरे
आनंदनगर (ता. इंदापूर) : भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त आनंदनगर येथे अत्यंत उत्साहपूर्ण आणि प्रेरणादायी कार्यक्रमाचे आयोजन करण्यात आले. सामाजिक बांधिलकी, समता आणि बंधुता यांचा संदेश देणाऱ्या या कार्यक्रमात मोठ्या संख्येने नागरिकांनी सहभाग घेतला.
यावेळी महाराष्ट्र राज्याचे कृषिमंत्री दत्तात्रय भरणे यांच्या हस्ते निळ्या ध्वजाचे ध्वजारोहण करण्यात आले. त्यानंतर डॉ. बाबासाहेब आंबेडकर यांच्या प्रतिमेचे विधिवत पूजन करण्यात आले. वातावरणात उत्साह आणि अभिमानाची भावना निर्माण झाली होती.
यानंतर उपस्थितांनी त्रिशरण आणि पंचशीलचे पठण करून बौद्ध धम्माच्या विचारांना अभिवादन केले. कार्यक्रमात सामाजिक आणि राजकीय क्षेत्रातील मान्यवरांचा सन्मान करण्यात आला. नुकतेच निवडून आलेले जिल्हा परिषद सदस्य व पंचायत समिती सदस्य यांचा यावेळी विशेष सत्कार करण्यात आला.
यामध्ये हर्षवर्धन लोंढे (सभापती, इंदापूर), श्रीराज भरणे (पंचायत समिती सदस्य), तसेच निर्मला मिसाळ (जिल्हा परिषद सदस्य) यांचा सन्मान करण्यात आला. तसेच मुंबई येथे झालेल्या पोलीस भरतीत गावातील सुपुत्र शुभम साळुंखे यांची निवड झाल्याबद्दल त्यांचाही विशेष सत्कार करून त्यांच्या यशाचा गौरव करण्यात आला. त्यांच्या या यशामुळे परिसरात अभिमानाचे वातावरण निर्माण झाले आहे.
कार्यक्रमाला विविध क्षेत्रातील मान्यवरांची उपस्थिती लाभली. यामध्ये अॅड. हेमंत नरोटे (माजी उपसभापती, इंदापूर), सारिका लोंढे (माजी पंचायत समिती सदस्य), राजकुमार डूनगे (पोलीस उपनिरीक्षक, वालचंदनगर), वसंत मोहोळकर, रोहित मोहोळकर, रामेश्वर माने, गजानन वाकसे, अॅड. नितीन कदम, अॅड. दीपक लोखंडे, विजय बनसोडे, अनिल लोंढे, विजय सरतापे, दिलीप लोहकरे, मेजर सचिन साबळे आदी मान्यवर उपस्थित होते.
कार्यक्रमाचे सूत्रसंचालन पुंडलिक सोनवणे यांनी प्रभावीपणे केले, तर संपूर्ण कार्यक्रमाचे आयोजन सियोन राजा प्रतिष्ठान जंक्शन चे अध्यक्ष डॉ. संजीव लोंढे यांच्या मार्गदर्शनाखाली करण्यात आले.
या कार्यक्रमातून डॉ. बाबासाहेब आंबेडकर यांच्या विचारांचा प्रसार करत समाजात समता, न्याय आणि बंधुतेचा संदेश देण्यात आला. आनंदनगरमध्ये साजरी झालेली ही जयंती नागरिकांसाठी प्रेरणादायी ठरली.
Editer sunil thorat
