निवडणूक आयोगाचा मोठा निर्णय! 334 पक्षांची नोंदणी रद्द, महाराष्ट्रातील 9 पक्षांचाही समावेश…
नवी दिल्ली : भारतीय निवडणूक आयोगाने (ECI) शनिवारी मोठा निर्णय घेत देशातील तब्बल 334 नोंदणीकृत राजकीय पक्षांची नोंदणी रद्द केली. यामध्ये महाराष्ट्रातील नऊ पक्षांचा समावेश आहे. या निर्णयानंतर देशभरात आता केवळ 6 राष्ट्रीय पक्ष आणि 67 प्रादेशिक पक्ष अस्तित्वात आहेत.
नोंदणी रद्द करण्यामागील कारणे
निवडणूक आयोगाने स्पष्ट केले की, संबंधित पक्षांनी 2019 पासून कोणत्याही लोकसभा, विधानसभा किंवा पोटनिवडणुकीत उमेदवार उभा केला नाही.
आयोगाच्या तपासात अनेक पक्षांची कार्यालये बंद किंवा अनुपलब्ध आढळली.
आवश्यक कागदपत्रे, खाते तपशील आणि अद्ययावत माहिती वेळोवेळी न दिल्याने नोंदणीसाठी आवश्यक अटींचा भंग झाला.
आयोगाच्या मते, हे पाऊल सक्रिय नसलेल्या व केवळ नावापुरते अस्तित्व असलेल्या पक्षांवर कारवाई करण्यासाठी आवश्यक होते.
महाराष्ट्रातील नोंदणी रद्द झालेल्या 9 पक्षांची यादी
1. आवामी विकास पार्टी
2. बहुजन रयत पार्टी
3. भारतीय संग्राम परिषद
4. इंडियन मिलान पार्टी ऑफ इंडिया
5. नवभारत डेमॉक्रेटिक पार्टी
6. नवबहुजन समाज परिवर्तन पार्टी
7. पीपल्स गार्डीयन
8. द लोक पार्टी ऑफ इंडिया
9. युवा शक्ती संघटना
देशातील उरलेले प्रमुख पक्ष
निवडणूक आयोगाच्या नोंदीप्रमाणे, देशात सध्या केवळ 6 राष्ट्रीय पक्ष मान्यताप्राप्त आहेत
भारतीय जनता पार्टी (भाजपा)
भारतीय राष्ट्रीय काँग्रेस
बहुजन समाज पार्टी
राष्ट्रवादी काँग्रेस पार्टी-शरद पवार,
सीपीएम आणि आम आदमी पार्टी.
तसेच 67 प्रादेशिक पक्ष मान्यताप्राप्त आहेत.
आयोगाचे विधान…
आयोगाने म्हटले आहे की, ही कारवाई निवडणूक प्रक्रियेतील पारदर्शकता, मतदारांमधील स्पष्टता आणि गैरवापर टाळण्यासाठी करण्यात आली आहे. “राजकीय पक्ष हा केवळ कागदावर राहू नये, तर तो सक्रियपणे लोकशाही प्रक्रियेत सहभाग घेणारा असावा”, असेही आयोगाने स्पष्ट केले.
Editer sunil thorat
