हडपसर (पुणे) : विद्यार्थ्यांनी केवळ पुस्तकी ज्ञानावर न राहता औद्योगिक क्षेत्रातील प्रत्यक्ष अनुभव घेतल्यासच त्यांच्या करिअरला योग्य दिशा मिळू शकते, असे मत डॉ. प्रफुल्ल आडकर यांनी व्यक्त केले.
जे. एस. पी. एम. जयवंतराव सावंत इन्स्टिट्यूट ऑफ फार्मसी (डिप्लोमा) यांच्या इंडस्ट्री इंटरॅक्शन सेलतर्फे प्रथम वर्ष डिप्लोमा फार्मसीच्या विद्यार्थ्यांसाठी औद्योगिक अभ्यास दौऱ्याचे आयोजन करण्यात आले होते. हा दौरा दि. १० मार्च २०२६ रोजी Rasamrut Ayurved Pharmacy – Maharashtra Arogya Mandal, पुणे येथे पार पडला. या अभ्यास दौर्यामध्ये प्रथम वर्षातील एकूण ६२ विद्यार्थ्यांनी सहभाग नोंदविला.
या भेटीदरम्यान कंपनीतील अधिकाऱ्यांनी विद्यार्थ्यांना आयुर्वेदिक औषधनिर्मितीची संपूर्ण प्रक्रिया, आधुनिक उत्पादन तंत्रज्ञान, कच्चा माल प्रक्रिया तसेच औषधांच्या गुणवत्ता नियंत्रण प्रक्रियेविषयी सविस्तर माहिती दिली. यावेळी विभागप्रमुख योगेश भातांब्रे, प्रॉडक्शन मॅनेजर अनुजा वाटवे, प्रॉडक्शन इन्चार्ज कुणाल पाटील तसेच ॲनालिटिकल केमिस्ट स्वप्निल जगताप यांनी विद्यार्थ्यांना उत्पादन विभाग, गुणवत्ता नियंत्रण प्रक्रिया आणि प्रयोगशाळेतील विविध चाचण्यांची प्रत्यक्ष माहिती दिली.
विद्यार्थ्यांनी उत्साहाने प्रश्न विचारून आयुर्वेदिक औषध उद्योगाविषयी उपयुक्त आणि अद्ययावत माहिती आत्मसात केली. विशेषतः गुणवत्ता तपासणी, पॅकेजिंग प्रक्रिया तसेच आयुर्वेदिक औषधांच्या उत्पादन पद्धतींबाबत विद्यार्थ्यांना प्रत्यक्ष अनुभवाधारित ज्ञान मिळाले.
सदर अभ्यास दौरा यशस्वीपणे पार पाडण्यासाठी महाविद्यालयाचे प्राचार्य डॉ. प्रफुल्ल आडकर यांचे मार्गदर्शन लाभले. तसेच जेएसपीएम हडपसर शैक्षणिक संकुलाचे संचालक डॉ. वसंत बुगडे आणि डॉ. मारुती काळबांडे यांनी कार्यक्रमास मार्गदर्शन व शुभेच्छा दिल्या. या कार्यक्रमाचे आयोजन प्रा. चेतन मामडगे यांनी केले.
कार्यक्रमाच्या यशस्वी अंमलबजावणीसाठी प्रा. अनुराधा पाटील, प्रा. स्वप्नील गाडेकर, प्रा. निकिता कोलते, प्रा. प्रगती लगदिवे, प्रा. रविराज जाधव, प्रा. तनुजा काशीद तसेच स्वप्नाली सावंत, प्रियांका महाजन, विवेक थोरात, स्वाती माकोने, रुपाली शिंदे, प्रतीक्षा थोरात, ऋतुजा दाते, पांडुरंग पवार आणि आकांक्षा जाधव यांनी सहकार्य केले.
Editer sunil thorat
