आयुष गणेश कोमकर हत्या प्रकरणातील आरोपी बंडू आंदेकरच्या अनधिकृत बांधकामांवर पालिकेची कारवाई, पोलीस उपस्थित…
पुणे : आयुष गणेश कोमकर हत्या प्रकरणातील आरोपी सूर्यकांत उर्फ बंडू आंदेकर आणि त्याच्या कुटुंबीयांनी घरासमोर व परिसरात उभारलेली अनधिकृत घरे, पत्रा शेड आणि शौचालय यावर पुणे महानगरपालिकेने कारवाई केली. या कारवाईदरम्यान संबंधित पोलीस उपस्थित होते आणि सर्व कामकाज सुरळीत पार पडले.
पोलिसांची भूमिका…
पोलीस उप आयुक्त कृषीकेश रावल (परिमंडळ १, पुणे शहर) यांनी दिलेल्या माहितीनुसार, पालिकेच्या पथकासह पोलिसांचा पुरेसा बंदोबस्त तैनात करण्यात आला होता. त्यामुळे कारवाईदरम्यान कोणताही अनुचित प्रकार घडला नाही आणि अनधिकृत बांधकामांची तोडफोड सुरळीत पार पडली.
काढण्यात आलेली अनधिकृत बांधकामे…
525 चौ.फुटांचे पत्रा शेड व 525 चौ.फुटांचे पक्के बांधकाम
100 चौ.फुटांचे पत्रा शेड व 100 चौ.फुटांचे पक्के बांधकाम
50 चौ.फुटांचे पत्रा शेड व 50 चौ.फुटांचे पक्के बांधकाम
200 चौ.फुट क्षेत्रफळाचे एकूण 8 पक्की शौचालये
प्रशासनाची दृष्टीकोन…
पालिका आणि पोलिसांनी मिळून ही कारवाई केली असून, परिसरातील अनधिकृत बांधकामांना पूर्णपणे तोडफोड करण्यात आली आहे. ही कारवाई फक्त अनधिकृत बांधकामांपुरती मर्यादित नसून, हत्या प्रकरणाशी संबंधित आरोपी आणि त्याच्या कुटुंबीयांच्या बेकायदेशीर कृतींवर प्रशासनाची कडक दृष्टी दाखवते.
प्रशासनाची पुढील पावले…
कारवाईनंतर परिसरात चर्चा रंगली असून, आंदेकर कुटुंबीयांच्या इतर मालमत्तांवरही पालिका आणि पोलीस प्रशासनाकडून पुढील कारवाई होऊ शकते, अशी शक्यता वर्तवली जात आहे.
Editer sunil thorat
