कुंजीरवाडी (ता. हवेली) : धुमाळ मळा, कुंजीरवाडी येथील मुक्ताई मेमोरियल इंग्लिश मीडियम स्कूलमध्ये शाळेचे संचालक मा. श्री. महेंद्र धुमाळ यांच्या पुढाकारातून आणि मार्गदर्शनाखाली “शालेय परिवहन व सखी सावित्री सभा” या उपक्रमाचे भव्य आयोजन करण्यात आले.
या विशेष उपक्रमाचे उद्दिष्ट…
विद्यार्थ्यांच्या सुरक्षिततेस प्राधान्य देणे, शालेय परिवहन व्यवस्थेतील शिस्त व जबाबदाऱ्या अधोरेखित करणे आणि महिला शिक्षक तसेच सहाय्यक कर्मचारी वर्गाला आवश्यक त्या सुरक्षिततेच्या सूचना देणे हे होते.
पोलीस विभागाचे मार्गदर्शन…
या कार्यक्रमासाठी लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांचे विशेष मार्गदर्शन लाभले. त्यांच्या मार्गदर्शनाखाली दामिनी पथक प्रमुख शिल्पा हरिहर यांनी उपस्थित चालक, महिला शिक्षक व सहाय्यक कर्मचारी वर्गाला शालेय सुरक्षिततेविषयी सविस्तर मार्गदर्शन केले. शिल्पा हरिहर यांनी बस चालकांना महत्त्वपूर्ण सूचना देताना सांगितले की –
प्रत्येक चालकाने स्वतःचे चारित्र्य पडताळणी प्रमाणपत्र शाळेकडे जमा करणे आवश्यक आहे.
वाहन चालवताना वाहतुकीचे नियम काटेकोरपणे पाळणे ही प्रथम जबाबदारी आहे.
‘ड्रंक अँड ड्राईव्ह’ सारख्या गैरप्रकारांपासून दूर राहणे, वाहन परवाना व स्वतःचे ओळखपत्र कायम जवळ ठेवणे बंधनकारक आहे.
स्कूल बसची वेळोवेळी तांत्रिक दुरुस्ती व तपासणी करून घेणे गरजेचे आहे.
विद्यार्थ्यांच्या सुरक्षिततेसाठी बसमध्ये सीसीटीव्ही कॅमेरे बसविणे व त्यांचे नियमित निरीक्षण करणे आवश्यक आहे.
चालकांनी ठराविक कालावधीनंतर स्वतःची आरोग्य तपासणी करून घ्यावी, जेणेकरून अपघातांचा धोका टाळता येईल.
त्याचबरोबर महिला शिक्षक व बसमधील मावशी वर्ग यांना विद्यार्थ्यांच्या सुरक्षिततेबाबत जबाबदारी पार पाडण्यासोबतच स्वतःच्या आरोग्य तपासणी व आत्मसंरक्षणाविषयी सजग राहण्याच्या सूचना देण्यात आल्या.
उपस्थित मान्यवर…
सदर कार्यक्रमासाठी शाळेचे कार्यकारी व्यवस्थापक विकास धुमाळ, केंद्र प्रमुख मारुती हिंगणे, कुंजीरवाडी सरपंच हरीश गोते, शाळेच्या विश्वस्त दिपाली महेंद्र धुमाळ, मुख्याध्यापिका श्रीमती प्रीती डोरले, ग्रामपंचायत सदस्य अर्चना धुमाळ, अंगणवाडी सेविका अलका कुंजीर, शाळेतील शिक्षकवर्ग व विद्यार्थी मोठ्या संख्येने उपस्थित होते.
संचालकांचा संदेश…
या प्रसंगी शाळेचे संचालक महेंद्र धुमाळ यांनी सर्व उपस्थितांचे स्वागत केले. त्यांनी सांगितले की, “विद्यार्थ्यांची सुरक्षितता हीच आमची प्राथमिकता आहे. शाळेतून घरी आणि घरातून शाळेत येताना मुलांच्या प्रवासातील सुरक्षितता अबाधित राहावी यासाठी अशा उपक्रमांची आवश्यकता आहे. पोलीस विभागाच्या सहकार्याने घेतलेला हा कार्यक्रम सर्वांना उपयोगी ठरेल.”
उपक्रमाचा लाभ…
या कार्यक्रमामुळे शाळेतील बस चालक, महिला शिक्षक, मावशी वर्ग तसेच पालक वर्गामध्ये शालेय परिवहन सुरक्षिततेबद्दल जागरूकता निर्माण झाली. विद्यार्थ्यांच्या संरक्षण व आरोग्यदायी वातावरण निर्मितीसाठी घेतलेला हा उपक्रम शाळा व्यवस्थापनाच्या सामाजिक बांधिलकीचे उत्तम उदाहरण ठरला.
Editer Sunil thorat
