पुणे (खडकवासला) : पुण्यातील सिंहगड पायथा फिरायला गेलेले शासकीय ठेकेदार आणि डोणजे गावचे माजी उपसरपंच विठ्ठल पोळेकर यांची नोव्हेंबर महिन्यात हत्या करण्यात आली होती. विठ्ठल पोळेकर यांचं अपहरण केल्यानंतर तासाभरात आरोपींनी त्यांचा खून केला, यानंतर आरोपींनी मृतदेहाचे तुकडे करून खडकवासला धरणाच्या पाणलोट क्षेत्रात टाकून दिले होते.
पोळेकर हत्या प्रकरणी तीन जणांना अटक करण्यात आली होती, पण मुख्य सूत्रधाराला पकडण्यात पुणे ग्रामीण पोलिसांना यश आलं आहे.
१९ नोव्हेंबर २०२४ ला सिंहगड पायथ्याजवळील डोणजे गावात विठ्ठल सखाराम पोळेकर फिरायला गेले होते. बराच वेळ विठ्ठल पोळेकर घरी न परतल्यामुळे त्यांच्या कुटुंबियांनी पोलिसांकडे तक्रार केली, त्यानंतर पोलिसांनी तपास सुरू केला. पोळेकर यांचं अपहरण करून हत्या करण्यात आल्याचं पोलीस तपासात उघड झालं, पण या हत्येचं कारण आता समोर आलं आहे.
हत्येचं कारण समोर आले.
या हत्या प्रकरणातला मुख्य आरोपी योगेश भामे याला पुणे ग्रामीण पोलिसांनी अटक केली आहे. शासकीय ठेकेदार पोळेकर यांनी पायगुडेवाडी ते गोळेवाडी रस्त्याच्या कामाचा ठेका घेतला होता. या कामात अडथळा आणण्याची धमकी देऊन मुख्य आरोपी योगेश भामने याने पोळेकर यांच्याकडे महागडी मोटार आणि दोन कोटी रुपयांची खंडणी मागितली होती. पोळेकर यांनी खंडणी आणि महागडी मोटार द्यायला नकार दिल्याने ही हत्या करण्यात आल्याचं पोलीस तपासात निष्पन्न झालं आहे.
बातमी / लेख आपल्या मित्रांसोबत शेअर करा
