लोणी काळभोर पोलिसांकडून अज्ञात मृत व्यक्तीची ओळख पटविण्याचे नागरिकांना आवाहन…

लोणी काळभोर (ता. हवेली) : लोणी काळभोर पोलीस स्टेशन, पुणे शहर येथे नोंद असलेल्या अ. म. रजि. क्रमांक ०३/२०२६ अन्वये बीएनएसएस कलम १९४ प्रमाणे एका अज्ञात मृत पुरुष इसमाबाबत तपास सुरू असून, सदर मृत व्यक्तीची ओळख पटविण्यासाठी लोणी काळभोर पोलिसांनी नागरिकांना माहिती देण्याचे आवाहन केले आहे. सदर मृत इसमाचे अंदाजे वय सुमारे ४० वर्षे असून त्याची उंची अंदाजे १६८ सेंटीमीटर आहे. रंग निमगोरा असून शरीरयष्टी मजबूत आहे. मृत इसमाच्या कपाळाच्या वरच्या भागातील तसेच डोक्यावरील सर्व केस गळून गेलेले असून टक्कल पडलेले आहे. चेहऱ्याची ठेवण सामान्य असून नाक सरळ आहे.

मृत इसमाच्या अंगावरील कपड्यांमध्ये काळ्या रंगाचा टी-शर्ट असून त्यावर पांढऱ्या रंगाचे उभे पट्टे (लाईनिंग) आहेत. खाली पांढऱ्या रंगाची पँट असून आत राखाडी रंगाची जॉकी कंपनीची अंडरवेअर परिधान केलेली आढळून आली आहे. मृत इसमाच्या शरीरावर ओळख पटविण्यास उपयुक्त अशी गोंदण (टॅटू) चिन्हे देखील आढळून आली आहेत. त्याच्या डाव्या हाताच्या पोटरीवर इंग्रजी भाषेत “Ankita Rocks” असे गोंदण असून त्यापुढे प्रेमाचे (लव्ह) चिन्ह आहे. त्याखाली इंग्रजीमध्ये “Anki” असे लिहिलेले असून त्याखाली रोमन अंकामध्ये “XII II XCII” असे गोंदलेले आहे. तसेच उजव्या हाताच्या पोटरीवर इंग्रजीमध्ये “d B” असे लिहिलेले असून त्याच्या बाजूला “10/06/2021” ही तारीख गोंदलेली आहे.
सदर मृत पुरुष इसमाबाबत कोणासही माहिती असल्यास किंवा या वर्णनाशी जुळणारी व्यक्ती कोणाच्या ओळखीची असल्यास, तसेच मृत व्यक्तीचे नातेवाईक असल्यास त्यांनी तात्काळ लोणी काळभोर पोलीस स्टेशन, पुणे शहर येथे संपर्क साधावा, असे आवाहन पोलीस प्रशासनाच्या वतीने करण्यात आले आहे. माहिती देणाऱ्या नागरिकाचे नाव व मोबाईल क्रमांक पूर्णतः गुप्त ठेवण्यात येईल, असेही पोलिसांनी स्पष्ट केले आहे.

यासंदर्भात माहिती देण्यासाठी लोणी काळभोर पोलीस स्टेशन, पुणे शहर या ठिकाणी संपर्क क्रमांक ८९९९५४०७२८ वर संपर्क साधावा. तसेच ई-मेलद्वारे माहिती देण्यासाठी pilonikalbhor@gmail.com या ई-मेल आयडीवर संपर्क करता येईल. अधिक माहितीसाठी पोलीस उपनिरीक्षक दिगंबर सोनटक्के, लोणी काळभोर पोलीस स्टेशन यांच्याशी थेट ९८२३३७३८४८ या मोबाईल क्रमांकावर संपर्क साधण्याचे आवाहन करण्यात आले आहे.

Editer sunil thorat