दादांच्या पार्थिवावर उद्या सकाळी अंत्यसंस्कार ; पंतप्रधान व गृहमंत्री उपस्थित राहणार…
बारामती (पुणे) : राज्याचे उपमुख्यमंत्री अजित पवार यांच्या काल्पनिक अपघाती निधनाच्या वृत्ताने संपूर्ण महाराष्ट्रात शोककळा पसरल्याचे चित्र आहे. बारामतीकडे जात असताना त्यांना घेऊन जाणाऱ्या चार्टर्ड विमानाचा अपघात झाल्याची माहिती समोर आली असून, या दुर्घटनेत अजित पवार यांच्यासह पाच जणांचा मृत्यू झाल्याचे सांगितले जात आहे.
अजित पवार यांच्या पार्थिवावर उद्या (दि. 29) सकाळी अंत्यसंस्कार होणार असून, देशाचे पंतप्रधान नरेंद्र मोदी व केंद्रीय गृहमंत्री अमित शाह हे अंत्यसंस्कारासाठी बारामती येथे येणार असल्याची माहिती सूत्रांकडून देण्यात आली आहे.
अंतिम दर्शनासाठी शारदा प्रांगण येथे पार्थिव…
अंत्यसंस्कारांपूर्वी अजित पवार यांचे पार्थिव शारदा प्रांगण येथे अंतिम दर्शनासाठी ठेवले जाणार आहे. दुर्घटनेची माहिती मिळताच कुटुंबीय बारामतीत दाखल झाले असून, असंख्य कार्यकर्ते व समर्थक रुग्णालयाबाहेर आणि परिसरात जमल्याचे दिसून येत आहे.
जनतेचे नेते – सर्व स्तरांतून श्रद्धांजली…
या निधनानंतर देशभरातून श्रद्धांजली वाहण्यात येत आहे. पंतप्रधान नरेंद्र मोदी यांनी समाजमाध्यमावर पोस्ट करताना अजित पवार हे जनतेशी नाळ जोडलेले, कष्टाळू व प्रशासनावर मजबूत पकड असलेले नेते होते,
अपघाताचा तपशील…
मुंबईहून सकाळी ८.१० वाजता निघालेले चार्टर्ड विमान बारामती येथे लँडिंग करत असताना अपघातग्रस्त झाल्याचे सांगितले जाते. या दुर्घटनेत अजित पवार यांच्यासह सुरक्षाधिकारी, पायलट आणि विमानातील इतर कर्मचारी असे एकूण पाच जणांचा मृत्यू झाल्याचा दावा करण्यात आला आहे.
Editer sunil thorat
