जिल्हाशिक्षणसामाजिक

एस. एम. जोशी महाविद्यालयात ‘जॉब फेअर २०२५–२६’चे आयोजन ; विद्यार्थ्यांसाठी रोजगाराच्या संधी उपलब्ध…

हडपसर (पुणे) : रयत शिक्षण संस्था संचलित एस. एम. जोशी महाविद्यालय, हडपसर येथे विद्यार्थ्यांना रोजगाराच्या संधी उपलब्ध करून देण्यासाठी ‘जॉब फेअर २०२५–२६’चे आयोजन करण्यात आले आहे. हा उपक्रम निर्माण ऑर्गनायझेशन आणि Barclays यांच्या संयुक्त विद्यमाने आयोजित करण्यात आला असून त्याचा उद्घाटन समारंभ शनिवार, दिनांक १४ मार्च २०२६ रोजी सकाळी १० वाजता महाविद्यालयाच्या इनडोअर स्टेडियममध्ये होणार आहे.

या कार्यक्रमाला प्रमुख पाहुणे म्हणून सौरभ काकडे (सेंटर प्लेसमेंट मॅनेजर, निर्माण ऑर्गनायझेशन), आशिष हिवाळे (सॉफ्ट स्किल ट्रेनर, निर्माण ऑर्गनायझेशन), संतोष स्वामी (एलीऑस मॅनेजमेंट, बार्कलेज) आणि डॉ. कलोल बोस (सॉफ्ट स्किल ट्रेनर, एलीऑस मॅनेजमेंट, बार्कलेज) उपस्थित राहणार आहेत. कार्यक्रमाच्या अध्यक्षस्थानी महाविद्यालयाचे प्राचार्य डॉ. एकनाथ मुंढे असतील.

तसेच या कार्यक्रमाला सन्माननीय उपस्थिती म्हणून महाविद्यालय विकास समितीचे चेअरमन व आमदार चेतन तुपे, सदस्य दिलीप तुपे आणि अमर तुपे उपस्थित राहणार आहेत.

या उपक्रमाच्या माध्यमातून विद्यार्थ्यांना रोजगाराच्या विविध संधी उपलब्ध करून देणे, त्यांच्या कौशल्यांनुसार योग्य नोकरी मिळवून देणे तसेच करिअरविषयक मार्गदर्शन करणे हे मुख्य उद्दिष्ट आहे. या जॉब फेअरमध्ये विविध कंपन्यांच्या प्रतिनिधींमार्फत विद्यार्थ्यांच्या मुलाखती घेतल्या जाणार असून पात्र विद्यार्थ्यांना थेट नोकरीच्या संधी उपलब्ध होणार आहेत.

या उपक्रमाचे समन्वयक म्हणून प्रा. संजय अहिवळे आणि प्लेसमेंट ऑफिसर डॉ. संगीता यादव कार्यरत असून प्रा. डॉ. किशोर काकडे आणि प्रा. डॉ. दिनकर मुरकुटे यांचेही सहकार्य लाभत आहे. संपूर्ण कार्यक्रमाचे आयोजन प्राचार्य डॉ. एकनाथ मुंढे यांच्या मार्गदर्शनाखाली करण्यात आले आहे.

या उद्घाटन समारंभास शिक्षक, विद्यार्थी तसेच माजी विद्यार्थ्यांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.

Editer sunil thorat

बातमी / लेख आपल्या मित्रांसोबत शेअर करा

मुख्य संपादक

"https://thepointnews24.in/ ("द पाॅईंट न्युज २४") वेब पोर्टल पुणे येथून कार्यान्वित केले जात असून याच्या माध्यमातून माहीती प्रसारित करणे या एकमेव उद्देश आहे. परंतु कोणाचीही बदनामी, अवहेलना किंवा त्रास देण्यासाठी उपयोग होत नाही. प्रतिनिधी यांच्या कडून आलेली माहिती प्रसारित करणे हा निखळ व प्रामाणिक उद्देश आहे तरीही प्रसारित केलेल्या मजूकराच्या विषयाबाबत काही वाद/तक्रार उदभवल्यास (न्याय क्षेत्र बारामती), ता. बारामती जिल्हा पुणे येथे असेल. मुख्य संपादक - श्री. सुनिल थोरात - संपर्क 7249314996, श्री. डॉ. गजानन टिंगरे - संपर्क 8411833101, कायदेशीर सल्लागार श्री. आनंद थोरात. (टिप - वार्ताहर/प्रतिनिधी यांनी वरील मो. न. वर संपर्क साधावा.)

Related Articles

Leave a Reply

Your email address will not be published. Required fields are marked *

Back to top button
बातमी कॉपी करायला तुम्ही आमचे काका लागता की मामा ??