पर्वती पायथ्याला ९ वर्षीय मुलीवर अत्याचाराचा प्रयत्न ; नागरिक संतप्त, संशयित ताब्यात…
पुणे : नसरापूर येथे अल्पवयीन चिमुकलीवरील अत्याचाराची घटना ताजी असतानाच पुणे शहरात पुन्हा एक धक्कादायक प्रकार समोर आला आहे. पर्वती पायथा परिसरातील जनता वसाहत येथे ९ वर्षीय मुलीवर अत्याचार करण्याचा प्रयत्न झाल्याची माहिती सूत्रांकडून मिळत आहे.
मिळालेल्या माहितीनुसार, ५ मे २०२६ रोजी सायंकाळच्या सुमारास ही घटना घडली. घटनेनंतर परिसरात संतापाची लाट उसळली असून नागरिकांनी मोठ्या प्रमाणात घटनास्थळी धाव घेतली. काही काळ तणावपूर्ण वातावरण निर्माण झाले होते.
या प्रकरणी संशयिताला ताब्यात घेण्यात आल्याची माहिती समोर येत आहे. मात्र, आरोपीचे नाव आणि अधिकृत तपशील अद्याप स्पष्ट झालेले नाहीत. घटनेनंतर संतप्त नागरिकांनी आरोपीवर कठोर कारवाईची मागणी करत पोलिसांकडे जोरदार निवेदन केले.
घटनेची माहिती मिळताच पर्वती पोलिस स्टेशन चे पथक तात्काळ घटनास्थळी दाखल झाले. कायदा व सुव्यवस्था अबाधित ठेवण्यासाठी मोठा पोलीस बंदोबस्त तैनात करण्यात आला असून परिस्थिती नियंत्रणात आणण्यात आली आहे.
दरम्यान, या घटनेचा पुढील तपास सुरू असून अधिकृत माहितीची प्रतीक्षा आहे. नागरिकांमध्ये भीतीचे वातावरण असून पोलिसांकडून परिसरात गस्त वाढविण्यात आली आहे.
Editer sunil thorat
