लोणी काळभोर ग्रामपंचायतीच्या उपसरपंचपदी बकुळाताई केसकर यांची बिनविरोध निवड…
लोणी काळभोर, (ता. हवेली) : (दि. २४ सप्टेंबर २०२५) लोणी काळभोर ग्रामपंचायतीच्या उपसरपंच पदाच्या निवडणुकीत बकुळाताई पांडुरंग केसकर यांची आज एकमताने व बिनविरोध निवड करण्यात आली. त्यांच्या निवडीमुळे गावामध्ये आनंदाचे व उत्साहाचे वातावरण निर्माण झाले असून, ग्रामपंचायतीच्या कामकाजाला नवचैतन्य लाभेल असा विश्वास ग्रामस्थ व मान्यवरांनी व्यक्त केला.
मान्यवरांच्या उपस्थितीत सत्कार…
उपसरपंचपदी निवड झाल्यानंतर बकुळाताई केसकर यांचा मान्यवरांच्या हस्ते शाल, श्रीफळ, पुष्पगुच्छ देऊन सत्कार करण्यात आला. या वेळी प्रमुख अतिथी म्हणून प्रशांतदादा काळभोर (संचालक, कृषी उत्पन्न बाजार समिती), पैलवान राहुल भाऊ काळभोर (महाराष्ट्र केसरी), सिताराम लांडगे (कार्याध्यक्ष, महाराष्ट्र राज्य मराठी पत्रकार संघ), ग्रामपंचायत सरपंच राहुल दत्तात्रय काळभोर, संजय गायकवाड (मा. जि.प. सदस्य), आण्णासाहेब ग. काळभोर (मा. उपसरपंच), ज्ञानेश्वर काळभोर (मा. चेअरमन, वि.वि. सेवा सहकारी सोसा. मर्या), राजेंद्र काळभोर (मा. उपसरपंच), राहुल आप्पा काळभोर (संचालक, खरेदी-विक्री संघ), हेमंत गायकवाड (अध्यक्ष, अंबरनाथ देवस्थान ट्रस्ट), बाळासाहेब ज. काळभोर (मा. ग्रा.पं. सदस्य), इंद्रभूज नारायण काळभोर (मा. उपसरपंच), युवराज काळभोर (अध्यक्ष, वन व्यवस्थापन समिती) यांच्यासह मान्यवर उपस्थित होते.
मोठ्या संख्येने ग्रामस्थ व कार्यकर्त्यांची उपस्थिती…
या कार्यक्रमास ग्रामपंचायत सदस्य गणेश कांबळे, राजाराम बापू काळभोर, नागेश काळभोर, सुनील आबा गायकवाड, सदस्या सविताताई गिताराम लांडगे, प्रियांकाताई सचिन काळभोर, सविताताई नितीन जगताप, ललिताताई राजाराम काळभोर, पांडुरंग केसकर (मा. ग्रा.पं. सदस्य), गुरुदेव काळभोर (चेअरमन, वि.वि. सेवा सहकारी सोसा. मर्या), सचिन काळभोर (व्हा. चेअरमन, वि.वि. सेवा सहकारी सोसा. मर्या), संजय लक्ष्मण काळभोर, आप्पासाहेब काळभोर, सागर काळभोर, अमोल कोळपे, सचिन काळभोर (संचालक, वि.वि. सेवा सहकारी सोसा. मर्या), रमेश भोसले (शिवसेना तालुका प्रमुख, हवेली), राजेंद्र सिदू केसकर (मा. संचालक, वि.वि. सेवा सहकारी सोसा. मर्या), चिमाजी मल्हारी केसकर (सामाजिक कार्यकर्ते), संतोष भोसले (शिवसेना प्रमुख, लोणी काळभोर), सचिनआण्णा काळभोर, गिताराम भाऊ लांडगे, सचिन काळभोर, नेता केसकर, नितीन जगताप, सुधीर काळभोर, तसेच ग्रामपंचायत अधिकारी एस. एन. गवारी व इतर मान्यवर व ग्रामस्थ मोठ्या संख्येने उपस्थित होते.
ग्रामविकासाचा संकल्प…
बकुळाताई केसकर यांनी यावेळी बोलताना ग्रामपंचायतीच्या माध्यमातून गावातील मूलभूत सुविधा, स्वच्छता, महिला व बालकल्याण, शिक्षण, शेती व ग्रामविकासाच्या विविध योजनांची प्रभावी अंमलबजावणी करण्यासाठी प्रयत्नशील राहण्याचा संकल्प व्यक्त केला. उपसरपंच म्हणून गावकऱ्यांचा विश्वास संपादन करून विकासात्मक उपक्रम गतीमान करणार असल्याचे त्यांनी सांगितले. या निवडीमुळे ग्रामपंचायतीत महिला नेतृत्वाला नवे बळ मिळाले असून, एकजूट आणि विकासाच्या दिशेने गाव पुढे नेण्याचा आत्मविश्वास ग्रामस्थांनी व्यक्त केला.
Editer sunil thorat
