अयोध्येत प्रभू श्रीराम मंदिर दर्शनावेळी पै. किरण साकोरे यांना डोक्यावर घेत यात्रेकरूंचा जल्लोष ; साकोरे यात्रेकरूंसमोर नतमस्तक होताना भावनिक क्षण — “जय श्रीराम!” घोषणांनी गुंजलेले वातावरण…

अयोध्या : दि. १० नोव्हेंबर २०२५ “जय श्रीराम! जय श्रीराम!” अशा घोषणांनी संपूर्ण अयोध्या नगरी दुमदुमली. लोणीकंद–पेरणे जिल्हा परिषद गटातील मायबाप जनतेसाठी प्रदीपदादा कंद युवा मंच व पै. किरण साकोरे मित्र परिवार यांच्या वतीने आयोजित काशी–विश्वेश्वर व अयोध्या देवदर्शन यात्रेचा भक्तिभावाने समारोप प्रभू श्रीरामांच्या पवित्र नगरीत झाला.

प्रभू श्रीरामचरणी नम्रतेने साकडे घालत यात्रेकरूंनी पै. किरण साकोरे यांच्या सर्व मनोकामना पूर्ण व्हाव्यात, असा heartfelt भाव व्यक्त केला. या वेळी भाविकांनी “किरण साकोरे तुम आगे बढो, हम तुम्हारे साथ है!” अशा घोषणांनी अयोध्या श्रीराम मंदिर परिसर गाजवला. भक्तिभाव, उत्साह आणि आनंदाचा महापूर त्या क्षणी सर्वत्र पसरला होता.

प्रभू श्रीरामचरणी साकोरे परिवाराची आरती…

अयोध्येत लोणीकंद–पेरणे जिल्हा परिषद गटाचे विजयी दावेदार/उमेदवार पै. किरण साकोरे व त्यांच्या सहपत्नी यांच्या हस्ते प्रभू श्रीरामांची विधिवत पूजा आणि आरती पार पडली. यात्रेकरूंनी सुव्यवस्थितपणे मंदिरात प्रवेश करून प्रभू श्रीराम, माता सीता, लक्ष्मण व हनुमान यांच्या दर्शनाने मनोमन भावविभोर झाले.

श्रीराम मंदिराच्या दिव्य प्रकाशात भाविकांच्या डोळ्यांत भक्तीचे अश्रू चमकत होते. “श्रीराम जय राम जय जय राम” या जयघोषांनी वातावरण दुमदुमले.

काशी ते अयोध्या — भक्तीचा, शिस्तीचा आणि जनसहभागाचा अद्वितीय संगम…

पुणे येथून रेल्वेद्वारे सुटलेली ही भव्य यात्रा भक्ती, सेवा आणि संघटनेचे सुंदर उदाहरण ठरली. यात्रेत काशी विश्वेश्वर दर्शन, गंगा आरती आणि अयोध्या श्रीराम मंदिर दर्शन या तीन धार्मिक टप्प्यांमध्ये यात्रेकरूंना अविस्मरणीय अनुभव मिळाला.

प्रवासादरम्यान किरण साकोरे मित्र परिवार, कार्यकर्ते आणि स्वयंसेवकांनी यात्रेकरूंची उत्कृष्ट सोय केली. प्रत्येक भाविकाला अन्न, निवास आणि दर्शनाची उत्तम व्यवस्था मिळाली.

पै. किरण साकोरे म्हणाले — “प्रभू श्रीरामांच्या आशीर्वादाने जनतेची सेवा हेच आमचं धर्मकार्य”…

“प्रभू श्रीरामांच्या आणि यात्रेकरूंच्या आशीर्वादाने माझ्या मनात नवी चेतना आणि सेवा करण्याची प्रेरणा निर्माण झाली आहे. लोणीकंद–पेरणे जिल्हा परिषद गटाचा सर्वांगीण विकास आणि समाजसेवा हेच आमचे ध्येय आहे.

काशी–अयोध्या यात्रेतून जनतेच्या आशीर्वादाने आम्ही विकासाच्या पहिल्या टप्प्याची सुरुवात केली आहे. यात्रेकरूंना पुण्यापासून वाराणसी, काशी ते अयोध्या असा प्रवास सुखकर झाला. आमच्या कार्यकर्त्यांनी कोणालाही काहीही कमी पडू दिले नाही,” असे पै. किरण साकोरे यांनी सांगितले.

यात्रेच्या यशामागे नेतृत्वाचा ठसा…

या यात्रेचे आयोजन आमदार ज्ञानेश्वर कटके, प्रदीप विद्याधर कंद, पै. संदीप भोंडवे, सुभाष जगताप, ज्ञानेश्वर वाळके, रविंद्र कंद, शंकर भुमकर आणि संजीवनी कापरे यांच्या मार्गदर्शनाखाली करण्यात आले.
त्यांच्या संयोजन, नियोजन आणि सहकार्यामुळे ही यात्रा यशस्वी ठरली.

Editer sunil thorat