लोणी काळभोर (ता. हवेली) : लोणी काळभोर व वडकी पंचायत समिती हवेली गण क्रमांक ८२ मधून रेश्मा युवराज काळभोर यांनी उमेदवारी जाहीर केल्याने या गणातील निवडणूक वातावरण अधिकच तापले आहे. सामाजिक कार्याची आवड, महिलांच्या प्रश्नांबाबत असलेली तळमळ आणि मजबूत सामाजिक-राजकीय पार्श्वभूमीमुळे त्यांची उमेदवारी चर्चेचा विषय ठरत आहे.
रेश्मा काळभोर या १२ वी शिक्षित असून गृहिणी आहेत. घराची जबाबदारी सांभाळत त्यांनी समाजकार्यात सक्रिय सहभाग घेतला आहे. बचत गटांच्या माध्यमातून अनेक महिलांना विविध शासकीय योजना मिळवून देणे व त्यांना आर्थिकदृष्ट्या सक्षम करणे या कामात त्यांचे योगदान उल्लेखनीय आहे.
त्या आण्णासाहेब गणपत काळभोर, माजी उपसरपंच (लोणी काळभोर) यांच्या सून असून, त्यांचे पती युवराज विलास काळभोर हे वन व्यवस्थापन समितीचे अध्यक्ष तसेच राष्ट्रवादी काँग्रेस पक्षाचे कार्याध्यक्ष म्हणून सक्रिय आहेत. सामाजिक व राजकीय क्षेत्रातील त्यांचा प्रदीर्घ अनुभव या उमेदवारीला बळ देणारा ठरत आहे.
या पार्श्वभूमीवर युवराज विलास काळभोर यांनी लोणी काळभोर व वडकी येथील सर्व ग्रामस्थांना आवाहन करत सांगितले की, स्थानिक विकास, महिलांचे सक्षमीकरण व सर्वसामान्यांच्या प्रश्नांसाठी रेश्मा युवराज काळभोर यांना भरघोस मतदान करून विजयी करावे. पंचायत समितीच्या माध्यमातून जनतेचे प्रश्न प्राधान्याने मार्गी लावण्याचा निर्धार त्यांनी व्यक्त केला.
स्थानिक प्रश्नांची जाण, जनतेशी असलेली नाळ आणि विकासाचा ठोस अजेंडा यामुळे रेश्मा काळभोर या हवेली तालुक्यातील पंचायत समिती गण क्रमांक ८२ साठी एक सक्षम व विश्वासार्ह उमेदवार म्हणून पुढे येत आहेत.
Editer sunil thorat
