कदमवाकवस्ती–लोणी काळभोर (ता. हवेली) : येणाऱ्या जिल्हा परिषद व पंचायत समिती सार्वत्रिक निवडणुका २०२६–३१ साठी कदमवाकवस्ती–लोणी काळभोर पंचायत समिती गणातून अमोल त्रिंबक टेकाळे यांनी इच्छुक उमेदवार म्हणून आपली भूमिका अधिकृतपणे जाहीर केली आहे. स्थानिक प्रश्नांची जाण, तरुणाईचा उत्साह आणि विकासाभिमुख दृष्टीकोन यामुळे अमोल टेकाळे यांची उमेदवारी चर्चेचा विषय ठरत आहे.
समता नगर, कदमवाकवस्ती येथील रहिवासी असलेले अमोल टेकाळे हे १२ वी शिक्षित उद्योजक असून सामाजिक बांधिलकीतून राजकारणात सक्रिय होण्याचा त्यांचा निर्धार आहे. “८० टक्के समाजकारण आणि २० टक्के राजकारण” या स्पष्ट विकाससूत्रावर आधारित कामकाज करत कदमवाकवस्ती–लोणी काळभोर गणाचा कायापालट करण्याचे ध्येय त्यांनी मांडले आहे.
“सर्वसामान्य नागरिकांना केंद्रस्थानी ठेवून, सर्वांना सोबत घेऊनच सर्वांगीण विकास शक्य आहे. पाणी, रस्ते, वीज, आरोग्य, शिक्षण, रोजगार व युवक–महिला सक्षमीकरण या मूलभूत प्रश्नांवर ठोस काम करण्याचा माझा संकल्प आहे,” असे अमोल टेकाळे यांनी सांगितले.
मतदारांशी थेट संवाद साधत त्यांनी जनतेकडे सहकार्याची अपेक्षा व्यक्त केली असून, मतदानरूपी आशीर्वाद देऊन सेवा करण्याची संधी द्यावी, अशी नम्र विनंतीही त्यांनी केली आहे. स्थानिक पातळीवर उद्योजकीय अनुभव आणि समाजकारणातील सक्रियता यामुळे अमोल टेकाळे यांची उमेदवारी आगामी निवडणुकीत ताकदवान पर्याय म्हणून पाहिली जात आहे.
कदमवाकवस्ती–लोणी काळभोर गणात नव्या नेतृत्वाची चाहूल लागली असून, अमोल टेकाळे यांच्या भूमिकेकडे आता सर्वांचे लक्ष लागले आहे.
Editer sunil thorat
