राष्ट्रीय रोइंग स्पर्धेत ‘एमआयटी एडीटी’च्या भाग्यश्री घुलेची सुवर्ण कमाई, आशियाई क्रीडा स्पर्धेसाठी राष्ट्रीय सराव शिबिरात निवड…
पुणे : Army Rowing Node येथे नुकत्याच पार पडलेल्या ४३व्या वरिष्ठ राष्ट्रीय रोइंग अजिंक्यपद स्पर्धेत MIT Art, Design and Technology Universityच्या डॉ. विश्वनाथ कराड एमआयटी क्रीडा अकादमीची खेळाडू भाग्यश्री घुले हिने शानदार कामगिरी करत एक सुवर्ण आणि एक रौप्य पदक पटकावले. तिच्या या यशामुळे विद्यापीठाच्या क्रीडा क्षेत्रातील लौकिकात मानाची भर पडली आहे.
या उल्लेखनीय यशाच्या जोरावर भाग्यश्रीची आगामी Asian Games स्पर्धेच्या तयारीसाठी कर्नाटकातील Bellary येथे आयोजित करण्यात आलेल्या राष्ट्रीय सराव शिबिरासाठी निवड झाली आहे. जपानमध्ये होणाऱ्या आशियाई क्रीडा स्पर्धेच्या पार्श्वभूमीवर हे शिबिर महत्त्वपूर्ण मानले जात आहे.
भाग्यश्री ही एमआयटी एडीटी शिक्षण संकुलातील माईर्स एमआयटी विश्वशांती गुरुकुलच्या कनिष्ठ महाविद्यालयाची विद्यार्थीनी असून तिला विद्यापीठातील राष्ट्रीय रोइंग प्रशिक्षक संदीप भापकर यांचे मार्गदर्शन लाभले आहे. सातत्यपूर्ण सराव, जिद्द आणि प्रशिक्षकांचे मार्गदर्शन यामुळे तिने राष्ट्रीय स्तरावर दमदार कामगिरी नोंदवली आहे.
तिच्या या यशानंतर विद्यापीठाचे संस्थापक अध्यक्ष प्रा. डॉ. विश्वनाथ दा. कराड, कार्याध्यक्ष तथा प्र-कुलपती प्रा. डॉ. मंगेश कराड, माईर्स शिक्षण संस्थेच्या सचिव डॉ. स्वाती चाटे-कराड, कुलगुरू डॉ. राजेश एस., कुलसचिव डॉ. महेश चोपडे, क्रीडा विभाग संचालक प्रा. पद्माकर फड, प्रकल्प संचालक डॉ. ज्योती जोटवानी तसेच प्राचार्या डॉ. रिपल शर्मा यांनी अभिनंदन करून पुढील वाटचालीस शुभेच्छा दिल्या. भाग्यश्रीच्या या कामगिरीमुळे विद्यापीठासह राज्यातील युवा खेळाडूंना निश्चितच प्रेरणा मिळेल, असा विश्वास मान्यवरांनी व्यक्त केला आहे.
Editer sunil thorat
