हडपसर (पुणे) : S. M. Joshi College मधील विद्यार्थी सुरज सरोज याची अखिल भारतीय आंतर विद्यापीठ शरीरसौष्ठव स्पर्धेसाठी निवड झाली आहे. ही प्रतिष्ठित स्पर्धा आंध्र प्रदेशातील Visakhapatnam येथे पार पडणार आहे. या यशामुळे महाविद्यालयाच्या क्रीडा क्षेत्रातील लौकिकात आणखी भर पडली आहे. सुरज सरोज याने सातत्यपूर्ण सराव, कठोर मेहनत आणि जिद्दीच्या जोरावर हे यश संपादन केले आहे. शरीरसौष्ठव क्षेत्रात त्याने अल्पावधीतच उल्लेखनीय कामगिरी करत महाविद्यालयाचे नाव राज्य व राष्ट्रीय पातळीवर पोहोचवले आहे.
या निवडीबद्दल महाविद्यालयाचे प्राचार्य प्रो. डॉ. एकनाथ मुंढे यांनी सुरजचे अभिनंदन करून आगामी स्पर्धेसाठी शुभेच्छा दिल्या. “सुरजसारख्या विद्यार्थ्यांमुळे महाविद्यालयाच्या क्रीडा परंपरेला बळकटी मिळत आहे,” असे ते म्हणाले. महाविद्यालयाचे शारीरिक शिक्षण संचालक प्रा. दत्ता वासावे यांनी सुरजला आवश्यक प्रशिक्षण व मार्गदर्शन दिले. तसेच IQAC समन्वयक प्रा. संजय अहिवळे, प्रा. किसन पठाडे, डॉ. विलास कांबळे, प्रा. गणेश जाधव आणि प्रा. करण पवार यांनी त्याचे अभिनंदन करून पुढील स्पर्धेसाठी शुभेच्छा व्यक्त केल्या.
सुरज सरोजच्या या यशामुळे महाविद्यालयातील इतर विद्यार्थ्यांनाही क्रीडा क्षेत्रात प्रगती करण्याची प्रेरणा मिळणार असून, अखिल भारतीय स्पर्धेत तो उल्लेखनीय कामगिरी करेल, असा विश्वास व्यक्त केला जात आहे.
Editer sunil thorat
