हवेली : (दि. ११ मार्च २०२६) हवेली तालुक्यातील सांगवी सांडस गावातील गावठाण भागातील सहा महिन्यांपासून बंद असलेला रस्ता बुधवारी (दि. ११) अखेर सुरू करण्यात आला. दुपारी सुमारे १.३० वाजल्यापासून प्रशासन, ग्रामपंचायत व ग्रामस्थांच्या संयुक्त प्रयत्नातून हा प्रश्न मार्गी लागला.
गावठाणातील मीनाताई लोले यांच्या घरापासून सूर्यकांत लोले व भरत शेठ लोले यांच्या घरादरम्यानचा रस्ता काही कारणास्तव मागील सहा महिन्यांपासून बंद होता. त्यामुळे स्थानिक नागरिकांना मोठ्या प्रमाणात अडचणींचा सामना करावा लागत होता. या पार्श्वभूमीवर “राजा शिवछत्रपती शिबिर”च्या माध्यमातून प्रशासन, ग्रामपंचायत आणि गावातील ज्येष्ठ नागरिक यांच्या चर्चेनंतर हा प्रश्न सोडविण्याचा निर्णय घेण्यात आला.
यावेळी मंडळ अधिकारी काळे मॅडम, तलाठी, पोलीस यंत्रणा, पोलीस पाटील, ग्रामसेवक तसेच कृषी अधिकारी यांच्या उपस्थितीत चर्चा करण्यात आली. गावातील ज्येष्ठ नागरिकांच्या मार्गदर्शनाखाली आणि तरुण कार्यकर्त्यांच्या पुढाकारातून अखेर रस्ता सुरू करण्याचा मार्ग मोकळा झाला.
या वेळी हर्षद लोले, सूर्यकांत लोले, भरत लोले, नानासाहेब लोले आणि अविनाश लोले या तरुण कार्यकर्त्यांनी मांडलेल्या सकारात्मक भूमिकेचे सर्वांनी स्वागत केले. त्यांच्या पुढाकारामुळे रस्ता सुरू करण्याच्या निर्णयाला सर्वांनी निसंकोच पाठिंबा दिला.
ग्रामपंचायत सांगवी सांडस, गावातील ज्येष्ठ नागरिक तसेच सर्व प्रशासकीय अधिकारी यांच्या संयुक्त प्रयत्नातून अखेर हा प्रश्न सुटला. रस्ता सुरू झाल्यामुळे ग्रामस्थांनी समाधान व्यक्त केले.
याबाबत ग्रामपंचायतीच्या वतीने सर्व संबंधित अधिकारी, ग्रामस्थ आणि सहकार्य करणाऱ्या नागरिकांचे आभार मानण्यात आले असून, भविष्यातही गावाच्या विकासासाठी सर्वांनी एकमेकांना सहकार्य करावे, अशी अपेक्षा व्यक्त करण्यात आली.
