फोनवरून गॅस बुक होत नाही? ‘या’ 3 सोप्या पद्धतीने करा सिलिंडर बुकिंग
मुंबई : सध्या इराण–इस्रायल संघर्षामुळे जागतिक स्तरावर इंधन पुरवठ्यावर परिणाम होत असून त्याचा फटका भारतालाही बसत असल्याचे चित्र आहे. नैसर्गिक वायू आणि एलपीजी गॅसच्या पुरवठ्यात अडचणी निर्माण होण्याची शक्यता व्यक्त होत आहे. त्यामुळे अनेक नागरिक घरगुती गॅस सिलिंडर वेळेवर मिळावा म्हणून फोन कॉलच्या माध्यमातून बुकिंग करण्याचा प्रयत्न करत आहेत. मात्र काही ठिकाणी फोन कॉलद्वारे गॅस बुकिंग करताना अडचणी येत असल्याने गॅस एजन्सीसमोर नागरिकांच्या रांगा लागल्याचे दिसत आहे.
अशा परिस्थितीत फोनवरून गॅस बुक होत नसेल, तर नागरिकांकडे गॅस सिलिंडर बुक करण्यासाठी इतरही काही सोपे पर्याय उपलब्ध आहेत. त्याबद्दल जाणून घेऊया.
1) व्हॉट्सअॅपद्वारे गॅस बुकिंग
ग्राहक व्हॉट्सअॅपच्या मदतीनेही घरगुती गॅस सिलिंडर बुक करू शकतात.
Indane Gas ग्राहकांनी आपल्या रजिस्टर मोबाईल क्रमांकावरून 7588888824 या क्रमांकावर REFILL असा व्हॉट्सअॅप मेसेज पाठवायचा.
HP Gas ग्राहकांनी 9222201122 या क्रमांकावर Hi किंवा Book असा व्हॉट्सअॅप मेसेज पाठवायचा.
Bharat Gas ग्राहकांनी 1800224344 या क्रमांकावर Hi किंवा Book असा व्हॉट्सअॅप मेसेज पाठवून बुकिंग करू शकतात.
2) मोबाईल अॅपद्वारे बुकिंग
ग्राहक मोबाईल अॅपच्या माध्यमातूनही गॅस सिलिंडर सहज बुक करू शकतात. यासाठी UMANG अॅपचा वापर करता येतो. तसेच Paytm, PhonePe आणि Amazon Pay यांसारख्या ऑनलाइन पेमेंट अॅपमधूनही गॅस बुकिंगची सुविधा उपलब्ध आहे.
3) एसएमएसद्वारे गॅस बुकिंग
फोन कॉल व्यतिरिक्त ग्राहक एसएमएस करूनही गॅस बुक करू शकतात.
Indane Gas ग्राहकांनी रजिस्टर मोबाईल नंबरवरून 7718955555 या क्रमांकावर REFILL असा एसएमएस पाठवावा.
Bharat Gas ग्राहकांनी 7715012345 किंवा 7718012345 या क्रमांकावर LPG असा एसएमएस पाठवून गॅस सिलिंडर बुक करू शकतात.
टीप: ही माहिती प्राथमिक स्वरूपाची असून संबंधित गॅस कंपनी किंवा अधिकृत एजन्सीकडून माहिती घेऊनच पुढील प्रक्रिया करावी.
Editer sunil thorat
