स्वर्ग लॉजवर पोलिसांचा छापा ; अनैतिक धंदा उघड, ४ महिलांची सुटका

पुणे : शहरात अनैतिक मानवी वाहतूक आणि वेश्या व्यवसायाविरोधात पुणे क्राईम ब्रांचने मोठी कारवाई करत चार महिलांची सुटका केली असून तीन आरोपींना अटक केली आहे. रविवारी (दि. ५ एप्रिल २०२६) ही कारवाई करण्यात आल्याची माहिती अधिकृत देण्यात आली.

अनैतिक मानवी वाहतूक प्रतिबंध कक्ष (AHTU), गुन्हे शाखा, पुणे यांना मिळालेल्या गोपनीय माहितीनुसार नन्हे परिसरातील एका लॉजमध्ये महिलांकडून वेश्याव्यवसाय सुरू असल्याची माहिती मिळाली होती. या माहितीची खात्री करण्यासाठी पोलिसांनी बनावट ग्राहक पाठवून सापळा रचला. माहिती खरी असल्याचे स्पष्ट होताच “स्वर्ग एक्सोटिक पॅराडाईज लॉज” येथे अचानक छापा टाकण्यात आला.

या धाडीत चार पीडित महिलांची सुटका करण्यात आली. तसेच अभिषेक दिलीप गवळी (वय २४, रा. खेड शिवापूर), रामू सांडू देवकर (वय २४, रा. सिंहगड रोड, पुणे) आणि महेश गणेश नागणे (वय ३४, रा. नन्हे गाव, पुणे) या तिघांना पोलिसांनी ताब्यात घेत अटक केली.

सदर प्रकरणी नन्हे पोलीस ठाण्यात गुन्हा दाखल करण्यात आला असून अनैतिक मानवी वाहतूक (प्रतिबंध) अधिनियम १९५६ अंतर्गत कलम ३, ४ व ५ अन्वये गुन्हा नोंदविण्यात आला आहे.

ही कारवाई अपर पोलीस आयुक्त (गुन्हे) यांच्या मार्गदर्शनाखाली करण्यात आली असून गुन्हे शाखेच्या पथकाने अचूक नियोजन आणि समन्वय साधत ही यशस्वी मोहीम पार पाडली.

दरम्यान, पुण्यात अशा प्रकारच्या अनैतिक व्यवसायांवर पोलिसांनी पुन्हा एकदा कठोर कारवाई करत गुन्हेगारांना स्पष्ट इशारा दिला आहे. तसेच नागरिकांनी अशा बेकायदेशीर प्रकारांची माहिती तात्काळ पोलिसांना देण्याचे आवाहन करण्यात आले असून माहिती देणार्याचे नाव गुप्त ठेवण्यात येईल असे सांगितले.

Editer sunil thorat