हडपसर, (पुणे) : (दि. १३ एप्रिल २०२६) Savitribai Phule Pune University आणि S. M. Joshi College, हडपसर येथील राष्ट्रीय सेवा योजना (NSS) विभाग व ग्रंथालय विभाग यांच्या संयुक्त विद्यमाने महात्मा जोतिराव फुले व भारतरत्न डॉ. बाबासाहेब आंबेडकर यांच्या जयंतीनिमित्त व्याख्यान व ग्रंथप्रदर्शनाचे आयोजन करण्यात आले. क्रांतिसूर्य Mahatma Jyotirao Phule यांच्या १९९ व्या जयंतीनिमित्त तसेच B. R. Ambedkar यांच्या १३५ व्या जयंतीनिमित्त हा कार्यक्रम उत्साहात पार पडला.
या कार्यक्रमासाठी प्रमुख पाहुणे म्हणून प्रा. (डॉ.) दिनकर मुरकुटे उपस्थित होते. त्यांनी “महात्मा जोतिराव फुले यांचे साहित्य : विशेष संदर्भ ‘गुलामगिरी’” या विषयावर मार्गदर्शन करताना सांगितले की, ब्रिटिश काळात भारतीय समाजात वर्णव्यवस्था व जातीव्यवस्था खोलवर रुजलेली होती. अशा परिस्थितीत फुले यांनी ‘तृतीय रत्न’, ‘गुलामगिरी’, ‘ब्राह्मणांचे कसब’ यांसारख्या ग्रंथांद्वारे सामाजिक विषमता, अन्यायकारक रचना आणि अंधश्रद्धांवर प्रखर टीका केली. त्यांनी आपल्या लेखनातून समाजप्रबोधनाची चळवळ उभी केली.
कार्यक्रमाचे अध्यक्ष प्राचार्य प्रा. (डॉ.) एकनाथ मुंढे यांनी “डॉ. बाबासाहेब आंबेडकर यांचे साहित्य : विचार, चिंतन आणि परिवर्तन” या विषयावर मार्गदर्शन केले. त्यांनी सांगितले की, आंबेडकर यांच्या विचारांनी भारतीय समाजात आमूलाग्र परिवर्तन घडवून आणले आहे. प्रतिकूल परिस्थितीत उच्च शिक्षण घेत त्यांनी ज्ञानाच्या बळावर समाजपरिवर्तन घडवून आणले. “शिक्षण हे वाघिणीचे दुध आहे” तसेच “शिका, संघटित व्हा आणि संघर्ष करा” हा त्यांचा संदेश आजही प्रेरणादायी असल्याचे त्यांनी नमूद केले.
या कार्यक्रमात विद्यार्थी व प्राध्यापकांसाठी ग्रंथप्रदर्शनाचे आयोजन ग्रंथपाल प्रा. शोभा कोरडे यांनी केले. आय. क्यू. ए. सी. समन्वयक प्रा. संजय अहिवळे यांचीही उपस्थिती होती. कार्यक्रमाचे प्रास्ताविक डॉ. ज्योती किरवे यांनी केले, तर पाहुण्यांची ओळख डॉ. अतुल चौरे यांनी करून दिली. आभार प्रदर्शन प्रा. अजित जाधव यांनी केले आणि सूत्रसंचालन डॉ. नम्रता कदम यांनी केले.
महाविद्यालयातील प्राध्यापक व विद्यार्थी मोठ्या संख्येने उपस्थित होते. ग्रंथप्रदर्शनामुळे विद्यार्थ्यांना फुले व आंबेडकर यांच्या साहित्याचा अभ्यास करण्याची संधी मिळाली. एकूणच, हा कार्यक्रम विद्यार्थ्यांमध्ये सामाजिक जाणीव, वाचनाची आवड आणि विचारप्रवृत्ती वाढविणारा ठरला.
Editer sunil thorat
