पुणे : JSPM’s Jayawantrao Sawant Institute of Pharmacy येथे दिनांक १५ एप्रिल २०२६ रोजी प्रथम वर्षाच्या विद्यार्थ्यांकडून द्वितीय वर्षाच्या विद्यार्थ्यांसाठी अत्यंत भावपूर्ण आणि संस्मरणीय निरोप समारंभाचे आयोजन करण्यात आले. आनंद, कृतज्ञता, आठवणी आणि भावनांचा सुंदर संगम असलेल्या या कार्यक्रमाने उपस्थितांचे मन जिंकले.
कार्यक्रमास संस्थेचे प्राचार्य डॉ. प्रफुल्ल अडकर तसेच प्रमुख पाहुणे म्हणून डॉ. नितीन गवई उपस्थित होते. मान्यवरांनी आपल्या मार्गदर्शनपर भाषणातून विद्यार्थ्यांना आयुष्यात यशस्वी होण्यासाठी परिश्रम, सातत्य आणि सकारात्मक दृष्टिकोन आवश्यक असल्याचे सांगितले. त्यांनी विद्यार्थ्यांना उज्ज्वल भविष्यासाठी मनःपूर्वक शुभेच्छा दिल्या.
निरोप समारंभात द्वितीय वर्षाच्या विद्यार्थ्यांनी आपल्या महाविद्यालयीन जीवनातील अनुभव मांडताना अनेक आठवणींना उजाळा दिला. शिक्षकांचे मार्गदर्शन, मित्रांसोबत घालवलेले क्षण आणि शैक्षणिक प्रवासातील विविध टप्पे यांची भावनिक आठवण त्यांनी व्यक्त केली. त्यांच्या मनोगतांमुळे सभागृहात एक वेगळेच भावनिक वातावरण निर्माण झाले.
प्रथम वर्षाच्या विद्यार्थ्यांनी विविध सांस्कृतिक कार्यक्रम, मनोगते आणि उपक्रम सादर करून वरिष्ठ विद्यार्थ्यांना अनोख्या पद्धतीने निरोप दिला. तसेच स्नेहचिन्ह देऊन त्यांचा सन्मान करण्यात आला. या उपक्रमांमधून विद्यार्थ्यांमधील स्नेह, आदर आणि आपुलकी स्पष्टपणे दिसून आली.
या कार्यक्रमाला महाविद्यालयातील प्राध्यापक, कर्मचारी आणि विद्यार्थी मोठ्या संख्येने उपस्थित होते. कार्यक्रमाचे उत्कृष्ट नियोजन प्रा. अनुराधा पाटील आणि विद्यार्थ्यांनी केले. तसेच प्रा. स्वप्निल गाडेकर, प्रा. रविराज जाधव, प्रा. निकिता कोलते, प्रा. प्रगती लागदिवे, प्रा. चेतन मामडगे, प्रा. तनुजा काशिद यांच्यासह विवेक थोरात, प्रियंका महाजन, ऋतुजा दाते, स्वप्नाली सावंत, स्वाती माकोने, रूपाली शिंदे, प्रतिक्षा थोरात, सुरवसे, आकांक्षा मावशी आणि पांडुरंग पवार काका यांचे मोलाचे सहकार्य लाभले.
समारोप प्रसंगी सर्व उपस्थितांनी द्वितीय वर्षाच्या विद्यार्थ्यांना त्यांच्या पुढील शैक्षणिक आणि व्यावसायिक वाटचालीसाठी मनःपूर्वक शुभेच्छा दिल्या. कृतज्ञता, स्नेह आणि आठवणींचा ठेवा मनात साठवत हा कार्यक्रम उत्साहात संपन्न झाला.
Editer sunil thorat
