११ वर्षांनंतर न्याय : आत्महत्येस प्रवृत्त प्रकरणात मुख्य आरोपीला ३ वर्षांची सक्तमजुरी…
सौजन्य फोटो Ai
लोणी काळभोर (ता. हवेली) : (दि. २१ एप्रिल २०२६) तब्बल ११ वर्षांपूर्वी दाखल झालेल्या आत्महत्येस प्रवृत्त (भा.द.वि. कलम ३०६, ३४) प्रकरणात जिल्हा व सत्र न्यायालय, शिवाजीनगर, पुणे येथील मा. न्यायाधीश ए.आय. पेरमपल्ली यांनी महत्त्वपूर्ण निकाल देत मुख्य आरोपी मंगल सचिन अडागळे (रा. लोणी काळभोर) हिला दोषी ठरवले आहे. न्यायालयाने तिला ३ वर्षे सक्तमजुरी व १ हजार रुपये दंड अशी शिक्षा सुनावली.
या प्रकरणातील इतर आरोपी गुलाब गणपत पवार, प्रकाश गुलाब पवार, अनिल गुलाब पवार, रेखा अनिल पवार, कमलाबाई गुलाब पवार व लिला प्रकाश पवार (सर्व रा. राहु, खेडेकर वस्ती, ता. दौंड, जि. पुणे) यांना पुराव्याअभावी निर्दोष मुक्त करण्यात आले.
सदर गुन्हा (रजि. नं. ३३२/२०११) लोणी काळभोर पोलीस ठाण्यात दाखल झाला होता. या प्रकरणाचा तपास पोलीस निरीक्षक संतोष खेतमाळस (सध्या लष्कर पोलीस स्टेशन, पुणे शहर) यांनी केला होता. न्यायालयात सरकार पक्षातर्फे सरकारी अभियोक्ता प्रदीप गेहलोत यांनी प्रभावी युक्तिवाद सादर केला.
या खटल्यात एकूण ७ साक्षीदारांची साक्ष नोंदवण्यात आली. विशेषतः हस्ताक्षर तज्ञांचा अहवाल हा निकालासाठी अत्यंत महत्त्वाचा ठरला.
या प्रकरणाच्या यशस्वी पैरवीसाठी लोणी काळभोर पोलीस स्टेशनचे वरिष्ठ पोलीस निरीक्षक राजेंद्र पन्हाळे यांनी मार्गदर्शन केले. तसेच रत्नदीप बिराजदार (पोलीस उपनिरीक्षक, हडपसर पोलीस स्टेशन) यांचे विशेष सहकार्य लाभले.
कोर्ट पैरवीसाठी म.पो.ह.वा. ललिता कानवडे, सहायक पोलीस उपनिरीक्षक विनोद ज्ञानेश्वर कांबळे, म.पो.ह.वा. अश्विनी पवार आणि पोलीस शिपाई अशोक शिंदे यांनी विशेष मेहनत घेतली.
दीर्घकाळ प्रलंबित असलेल्या या प्रकरणात अखेर न्यायालयाने दिलेल्या निकालामुळे पीडित पक्षाला न्याय मिळाल्याची भावना व्यक्त होत आहे.
Editer sunil thorat
