लोणी काळभोर (ता. हवेली) : भीमा कोरेगाव शौर्यदिनाच्या निमित्ताने मोजे–थेऊर फाटा येथे सिद्धार्थ संघ तरुण मंडळ यांच्या वतीने सामाजिक बांधिलकी जपत सलग २०१९ पासून राबविण्यात येणारा अन्नदान उपक्रम यंदाही मोठ्या उत्साहात पार पडला. भीमा कोरेगाव येथे मानवंदना देण्यासाठी येणाऱ्या हजारो भीमसैनिकांच्या सेवेसाठी चहा, बिस्किटे, पोहे, वडापाव तसेच पिण्याच्या पाण्याच्या बाटल्यांचे मोफत वितरण करण्यात आले. यावर्षी साधारण पाच ते सहा हजार भीमसैनिकांनी या अन्नदानाचा लाभ घेतला.
या उपक्रमाचे नियोजन सामाजिक कार्यकर्त्या शितलताई सुजित कांबळे यांच्या पुढाकारातून करण्यात आले होते. त्यांना संजय भीमराव भालेराव, भोलेनाथ शेलार (माजी सरपंच, लोणी काळभोर), प्रल्हाद सिताराम कांबळे, विनायकाअण्णा कांबळे, दिनेश शंकर कांबळे, दिगंबर अर्जुन जोगदंड, अजित भालेराव, नईम इनामदार, मिलिंद कांबळे, महेश जैनजांगडे, राकेश शेलार, अनिल भालेराव, नारायण गजरमळ तसेच अनिल कांबळे (माजी डीवायएसपी) आदींनी मोलाचे सहकार्य केले. सिद्धार्थ संघ तरुण मंडळाचे सर्व पदाधिकारी व कार्यकर्ते पहाटेपासूनच सेवेसाठी तैनात होते.
या अन्नदान कार्यक्रमाला गावातील व परिसरातील अनेक मान्यवरांनी भेट देऊन उपक्रमाचे कौतुक केले. प्रमुख उपस्थितीमध्ये लोणी काळभोर पोलीस स्टेशनचे वरिष्ठ पोलीस निरीक्षक राजेंद्र पन्हाळे, कुंजीरवाडीचे माजी सरपंच सचिन तात्या तुपे, युगंधर काळभोर (हवेली पंचायत समिती उपसभापती), राहुल काळभोर (महाराष्ट्र केसरी), योगेश नाना काळभोर (यशवंत सहकारी साखर कारखाना, थेऊर – संचालक), गुरुदेव आबा काळभोर (चेअरमन, विकास सोसायटी लोणी काळभोर), हरीश गोटे (सरपंच, कुंजीरवाडी), राजेंद्र आबा काळभोर (माजी उपसरपंच, लोणी काळभोर), अमित भाऊ काळभोर, ॲड. बाळासाहेब दाभाडे, रमेशजी भोसले (संचालक, विकास सोसायटी लोणी काळभोर), संतोष भोसले, श्रीकांत काळभोर (पुणे जिल्हा अध्यक्ष, रयत क्रांती), ॲड. श्रीकांत भिसे, अमोल टेकाळे, प्रकाश भिसे, सोनाली जवळकर (पोलीस पाटील, आळंदी म्हातोबाची), दादा पाटील काळभोर (पोलीस पाटील, लोणी काळभोर) यांचा समावेश होता.
भीमा कोरेगाव शौर्यदिन हा स्वाभिमान, संघर्ष आणि सामाजिक समतेचा प्रतीक मानला जातो. या ऐतिहासिक दिवसाच्या स्मरणार्थ मानवंदनेसाठी येणाऱ्या भीमसैनिकांची सेवा करणे, हेच या उपक्रमामागील प्रमुख उद्दिष्ट असल्याचे आयोजकांनी सांगितले. जात, धर्म, पंथ न पाहता सर्वांसाठी अन्नदान करून सिद्धार्थ संघ तरुण मंडळाने सामाजिक सलोखा व बंधुभावाचा संदेश दिला आहे.
सलग अनेक वर्षे कोणताही गाजावाजा न करता सातत्याने सुरू असलेल्या या उपक्रमामुळे सिद्धार्थ संघ तरुण मंडळाची परिसरात वेगळी ओळख निर्माण झाली असून, त्यांच्या या समाजोपयोगी कार्याचे सर्व स्तरातून कौतुक होत आहे. भविष्यातही असेच उपक्रम राबवून समाजासाठी काम करण्याचा संकल्प मंडळाच्या वतीने व्यक्त करण्यात आला.
Editer sunil thorat
