हवेली तालुक्यातील ६६ ग्रामपंचायतींच्या सरपंचपदाचे आरक्षण २३ एप्रिल रोजी दुपारी १२ वाजता ठरणार ; पुण्यातील गणेश कला क्रीडा केंद्र…

मुख्य संपादक 23/04/2025

पुणे : २०२५ ते मार्च २०३० मार्च या पंचवार्षिक कालावधीसाठी हवेली तालुक्यातील ६६ ग्रामपंचायतींच्या सरपंचपदाचे आरक्षण ठरवण्यासाठी शुक्रवार (२३ एप्रिल) रोजी दुपारी १२ वाजता पुण्यातील गणेश कला क्रीडा केंद्र येथे आरक्षणाची सोडत होणार आहे.

हवेली तालुक्यातील एकुण ७१ पैकी ६६ ग्रामपंचायतींच्या सरपंच पदाच्या आरक्षणाची सोडत यावेळी काढण्यात येणार आहे. या ७१ गावांची एकूण लोकसंख्या २ लाख ६२ हजार ३३८ असून त्यापैकी अनुसूचित जातीची लोकसंख्या ३४ हजार ७५२ तर अनुसूचित जमातीची लोकसंख्या ५ हजार ९१७ आहे. अनुसूचित जातीसाठी १० सरपंचपदे राखीव असून त्यातील ५ जागी पुरुष तर ५ जागी महिला सरपंच होणार आहेत अनुसूचित जमातीसाठी २ सरपंच पदे राखीव रहाणार असून त्यापैकी १ जागी पुरुष तर एका जागी महिला सरपंच होणार आहे. नागरिकांचा मागास प्रवर्ग साठी १९ सरपंच पदे राखीव असून त्यापैकी ९ जागी पुरुष तर १० जागी महिला सरपंच होणार आहेत. सर्वसाधारण प्रवर्गासाठी ४० सरपंच पदे असून त्यापैकी २० जागी पुरुष तर २० जागी महिला सरपंच होणार आहेत.

यावेळी खालील प्रमाणे गावांच्या सरपंचपदाची आरक्षण सोडत होणार…

लोणीकाळभोर, कदमवाकवस्ती, थेऊर, उरुळी कांचन, सोरतापवाडी, कुंजीरवाडी, आळंदी म्हातोबाची, कोरेगाव मुळ, वडकी, लोणीकंद, कोलवडी साष्टे, आव्हाळवाडी, केसनंद, वाडेबोल्हाई, हिंगणगाव, प्रयागधाम, वळती, शिरसवडी, बिवरी, सांगवी सांडस, भवरापुर, पिंपरी सांडस, शिंदेवाडी, खामगावटेक, टिळेकरवाडी, नायगाव व पेरणे
खानापूर, गोगलवाडी, अहिरे, खामगांव मावळ, मालखेड, गो-हे बु., शिवापूर, मणेरवाडी, श्रीरामनगर, मांडवी बु., कुडजे, कोंढणपुर, खेडशिवापूर, गाउडदरा, आर्वी, आंबी, जांभळी, गो-हे खुर्द, डोणजे, सोनापुर, मांजरी खुर्द, बहुली, मांडवी खुर्द, घेरासिंहगड, वरदाडे, सांगरुण, रहाटवडे, खडकवाडी, , अष्टापुर, वढु खुर्द, शिंदवणे, बकोरी, पेठ, डोंगरगाव, तुळापुर, भावडी, न्हावी सांडस, तरडे, बुर्केगाव, या ग्रामपंचायतींच्या सरपंच पदाच्या आरक्षणाची सोडत होणार आहे.