पुणे (हडपसर) : पुणे जिल्हा शिक्षण मंडळाच्या अण्णासाहेब मगर महाविद्यालयात फिल्म क्लबची स्थापना करण्यात आली असून या क्लबमध्ये वाणिज्य विभागाच्या वतीने आयडीएफसी फाउंडेशन निर्मित ‘वन इडियट’ या लघुपट दाखविण्यात आला. हा लघुपट गुंतवणूक आणि शिस्तबद्ध बचत सवयींवर आधारित आहे.
महाविद्यालयाचे प्राचार्य व सावित्रीबाई फुले पुणे विद्यापीठ व्यवस्थापन परिषद सदस्य डॉ. नितीन घोरपडे यांच्या मार्गदर्शनाखाली या फिल्म क्लबची स्थापना करण्यात आली असून आठवड्याच्या दर शनिवारी महाविद्यालयाच्या विविध विभागमार्फत विद्यार्थ्यांसाठी चित्रपट प्रदर्शन आयोजित करण्यात येणार आहे. विद्यार्थ्यांमध्ये मूल्यशिक्षण वाढावे. त्यांची बहुश्रुतता वाढीस लागावी या हेतूने हा फिल्म क्लबची स्थापना करण्यात आला असल्याचे प्राचार्य डॉ. नितीन घोरपडे यांनी सांगितले.
कार्यक्रमाचे सूत्रसंचालन डॉ. विवेकानंद टाकळकर यांनी केले, प्रास्ताविक डॉ. नीता कांबळे यांनी केले , डॉ. अजिनाथ डोके यांनी चित्रपटाच्या आशयाबद्दल माहिती दिली, डॉ. वाघमोडे यांनी प्रभावी संवाद कौशल्यांबद्दल आपले विचार मांडले, प्रा. प्रतीक कामठे यांनी तरुणांच्या गुंतवणूक सवयींवर आपले विचार मांडले, प्रा. नेहा साळुंके यांनी आत्मस्वातंत्र्याबद्दल माहिती दिली, प्रा. प्रीती पाटील यांनी जीवनातील आनंदाचे महत्त्व सांगितले, प्रा. गौरव शेलार यांनी वेळेच्या व्यवस्थापनाचे महत्त्व सांगितले आणि प्रा. तेजश्री कोकरे यांनी वडीलधारी आणि पालकांचा आदर आणि त्यांचे मूल्यमापन करण्याचे महत्त्व अधोरेखित केले. एम.कॉमच्या विद्यार्थ्यांनीही चित्रपटाबद्दल अंतर्दृष्टी दिली आणि त्यांचे धडे शेअर केले.
याप्रसंगी उपप्राचार्य डॉ. प्रशांत मुळे आणि डॉ. शुभांगी औटी आणि वाणिज्य विभागाचे सर्व प्राध्यापक आणि एम.कॉम.चे विद्यार्थी तसेच शिक्षकेतर कर्मचाऱ्यांनी हा लघुपट पहिला.
