पंतप्रधान नरेंद्र मोदी यांचा दौंड तालुक्यातील दौरा निश्चित ; पाटस येथे कार्यक्रमस्थळाची पाहणी…
ग्रामविकास विभागाच्या महत्त्वपूर्ण कार्यक्रमाच्या तयारीसाठी वरिष्ठ अधिकाऱ्यांची उपस्थिती; सुरक्षा, वाहतूक नियोजन व नागरिकांच्या सोयीसुविधांचा आढावा
दौंड (पुणे) : ग्रामविकास विभागाच्या महत्त्वपूर्ण कार्यक्रमाच्या निमित्ताने देशाचे लोकप्रिय पंतप्रधान आदरणीय नरेंद्रजी मोदी यांचा दौंड तालुका दौरा निश्चित झाला आहे. या पार्श्वभूमीवर तालुक्यातील पाटस येथे कार्यक्रमासाठी निवड करण्यात आलेल्या स्थळाची पाहणी नुकतीच दौंडचे विद्यमान आमदार राहुल कुल यांच्या नेतृत्वाखाली पार पडली.
या पाहणीदरम्यान विभागीय आयुक्त चंद्रकांत फुलकुंडवार, पोलिस महानिरीक्षक (कोल्हापूर परिक्षेत्र) सुनील फुलारी, जिल्हाधिकारी पुणे जितेंद्र डुड्डी, पोलीस अधीक्षक संदीप सिंह गिल, मुख्य कार्यकारी अधिकारी जिल्हा परिषद पुणे गजानन पाटील, अपर पोलीस अधीक्षक बारामती गणेश बिरादार, उपविभागीय अधिकारी पोलिस दौंड बापूराव दडस, पोलिस निरीक्षक नारायण देशमुख, गोपाळ पवार, प्रांताधिकारी रेवणनाथ लबडे, तहसीलदार अरुण शेलार, गटविकास अधिकारी अरुण मळभर यांच्यासह विविध संबंधित विभागांचे अधिकारी व मान्यवर यांना स्थळ पाहणीसाठी बाबत चर्चा करण्यात आली यावेळी आमदार राहुल कुल उपस्थित होते.
या पाहणीत सुरक्षा व्यवस्था, वाहतूक नियोजन, कार्यक्रमस्थळाची आखणी, नागरिकांच्या सोयीसुविधा व इतर आवश्यक बाबींचा सखोल आढावा घेण्यात आला. तसेच स्थानिक प्रशासनाला नियोजन अधिक काटेकोरपणे राबविण्याचे निर्देश देण्यात आले.
पंतप्रधानांचा दौरा लक्षवेधी ठरणार असून या भेटीमुळे दौंड तालुक्याच्या विकास कामांना चालना मिळण्याची अपेक्षा व्यक्त केली जात आहे.
Editer sunil thorat
