शाळेच्या बसचालकाची बेदरकार कृत्ये ; टेम्पोचालकाला मारहाण, वाहनाची तोडफोड… पाहा व्हिडिओ…
हडपसर : (दि. ९ ऑक्टोबर) मगरपट्टा ब्रिज परिसरात शाळेच्या बसचालकाने बेदरकारपणे वाहन चालवून टेम्पो चालकाला शिवीगाळ व मारहाण केल्याची धक्कादायक घटना घडली आहे. या प्रकरणी हडपसर पोलीस ठाण्यात गुन्हा क्रमांक 874/2025 असा दाखल करण्यात आला आहे.
पोलीसांच्या माहितीनुसार, दि. ९ ऑक्टोबर २०२५ रोजी दुपारी ३ वाजण्याच्या सुमारास स्कुल बस (क्र. एम.एच.१४ एम.एम. ९८३७) चालवणारा सुरज रमेश पाटील (वय ३२, रा. पिंपरी चिंचवड) याने मगरपट्टा ब्रिज जवळ टेम्पो (क्र. एम.एच.१४ के.ऐ. ०९१०) चालकास शिवीगाळ करत हाताने मारहाण केली.
याच दरम्यान आरोपीने बसमधील लोखंडी टामीने टेम्पोचे समोरील काच फोडून नुकसान केले व सार्वजनिक रस्त्यावर दहशत निर्माण केली.
या प्रकरणी फिर्यादीच्या तक्रारीवरून आरोपीविरुद्ध BNS कलम 281, 351(2), 352, 324(2), 37(1), 135, 3, 5 प्रमाणे गुन्हा दाखल करण्यात आला आहे.
घटनेनंतर हडपसर पोलीस ठाण्याचे वरिष्ठ पोलीस निरीक्षक संजय भोगले यांच्या मार्गदर्शनाखाली पोलिसांनी तात्काळ घटनास्थळी धाव घेत पंचनामा करून आरोपी सुरज पाटीलला ताब्यात घेतले आहे. या घटनेचा पुढील तपास हडपसर पोलीस करीत आहेत.
Editer Sunil thorat
