इंदापूर : भारतीय जनता पक्षाच्या इंदापूर विधानसभा क्षेत्रातील मध्य मंडळाच्या नव्याने गठित कार्यकारिणीची अधिकृत घोषणा आज भव्य कार्यक्रमात करण्यात आली. या कार्यक्रमात महाराष्ट्र राज्याचे लोकप्रिय मुख्यमंत्री देवेंद्र फडणवीस, भाजपा प्रदेशाध्यक्ष आमदार रवींद्र चव्हाण, पुणे जिल्हाध्यक्ष शेखरजी वढणे, तसेच भाजपा युवा नेते प्रवीण भैया माने यांच्या मार्गदर्शनाखाली ही कार्यकारिणी जाहीर करण्यात आली.
कार्यक्रमात पक्षाच्या नेतृत्वाने स्थानिक पातळीवर कार्यरत असलेल्या समर्पित कार्यकर्त्यांना जबाबदाऱ्या सोपवून संघटन अधिक बळकट करण्याचा स्पष्ट संदेश दिला. राजकुमार जठार (अध्यक्ष, भाजपा इंदापूर विधानसभा) यांनी सांगितले की, “नवीन कार्यकारिणी ही स्थानिक विकास, जनसंपर्क आणि पक्ष विस्ताराच्या दृष्टीने प्रभावी ठरेल, असा विश्वास आहे.”
विशेषतः युवा कार्यकर्त्यांचा जोश, महिलांचा सक्रिय सहभाग आणि अनुभवी नेतृत्वाचे मार्गदर्शन यामुळे ही कार्यकारिणी ऊर्जा, अनुभव आणि समावेशकतेचा उत्तम नमुना ठरणार आहे. लवकरच नव्युक्त पदाधिकाऱ्यांना औपचारिकपणे नियुक्ती पत्र देण्यात येणार आहेत.
या वेळी सर्व नवनियुक्त पदाधिकाऱ्यांना भावी वाटचालीसाठी शुभेच्छा देण्यात आल्या.
प्रतिनिधी धनंजय काळे
