पुणे (हवेली) : सोरतापवाडी ग्रामपंचायत हद्दीतील मुठा उजवा कालव्यात एका ४५ ते ५० वर्षीय अनोळखी पुरुषाचा मृतदेह आढळल्याचा धक्कादायक प्रकार समोर आला.
आळंदी म्हतोबाची सोरतापवाडी शिवेवर असलेल्या कॅनॉल ब्रिज जवळ हा मृतदेह आढळून आला आहे.
उरुळी कांचन पोलिस ठाण्याचे हवालदार रमेश भोसले यांनी याबाबत सविस्तर माहिती दिली.
याप्रकरणी तुषार रामदास चोरगे, (वय ३६, व्यवसाय शेती रा. सोरतापवाडी ता. हवेली) यांनी उरुळी कांचन पोलीस ठाण्यात खबर दिली.
पोलिसांनी दिलेल्या माहितीनुसार, आळंदी म्हातोबाची – सोरतापवाडी शिवेवर असलेल्या कॅनॉल ब्रिज जवळून तुषार रामदास चोरगे हे त्याच्या घरी निघाले होते. यावेळी सोरतापवाडी गावच्या हद्दीत गुंजाळ मळा परिसरातील कॅनॉल ब्रिज जवळ लोकांची गर्दी दिसल्याने त्यांनी गाडी थांबवून गर्दी का झाली हे पाहण्यासाठी गेले. यावेळी कॅनॉलच्या पाण्यात एक पुरूषाचे प्रेत वाहत आल्याचे दिसून आले.
तात्काळ तुषार रामदास चोरगे यांनी उरुळी कांचन पोलिसांना याबाबत माहिती दिली. त्यानुसार घटनास्थळी उरुळी कांचन पोलीस ठाण्यातील पोलीस हवालदार निलेश जाधव, गणेश दाभाडे हे पोहोचून पाहणी केली असता एका पुरुषाचा अनोळखी मयत झालेला अंदाजे वय ४५ ते ५०, त्याच्या अंगात फुल भायाचा लाल रंगाचा टि शर्ट, पॅन्ट नसलेली, रंग सावळा, पायात काही एक नाही. टी शर्टवर इंग्रजीमध्ये सी.एच.आय. सी. असे लिहलेला मृतदेह आढळून आला. सदर मृतदेहाचा पंचनामा पोलीस हवालदार रमेश भोसले यांनी केला.
मयत इसमाची ओळख पटविण्याचे काम उरुळी कांचन पोलिस करीत असून या बाबत पत्रकार यांना ही बातमी प्रसिद्ध करण्याकामी सांगण्यात आले. कोणास मयत पुरुषाबाबत काही माहिती झाल्यास उरुळी कांचन पोलीस ठाणे ०२०-२६९२६२८७ तसेच पोलीस हवालदार रमेश भोसले – ९८२३६४४७४४ यांच्याशी तात्काळ संपर्क करण्याचे आवाहन करण्यात आले.
नागरिकांनी याबाबत माहिती असल्यास पोलीस प्रशासनास कळवावे व सहकार्य करावे.
बातमी / लेख आपल्या मित्रांसोबत शेअर करा
