🇮🇳 भारताचा थरारक विजय! ओव्हल कसोटीत इंग्लंडचा सहा धावांनी पराभव, मालिका 2-2 ने बरोबरीत 🏏

इंग्लंड :
भारत आणि इंग्लंड यांच्यातील ओव्हलवर झालेला पाचवा कसोटी सामना अतीशय चुरशीचा ठरला. शेवटच्या क्षणापर्यंत रंगलेल्या या सामन्यात भारताने केवळ ६ धावांनी इंग्लंडवर थरारक विजय मिळवत कसोटी मालिकेला २-२ अशी बरोबरी साधली. मोहम्मद सिराजच्या भेदक गोलंदाजीमुळे सामना भारताच्या बाजूने झुकला.

         🔹 शेवटच्या दिवशीची नाट्यमय घडामोडी :
पाचव्या दिवशी इंग्लंडला विजयासाठी ३५ धावांची गरज होती आणि भारताला ४ विकेट्स. सिराजने जेमी स्मिथ आणि ओव्हरटन यांना बाद करत इंग्लंडला हादरा दिला. प्रसिद्ध कृष्णाने जोश टंगला क्लीन बोल्ड केलं. शेवटी अॅटकिन्सन आणि एक हाताने फलंदाजी करणारा ख्रिस वोक्स इंग्लंडला विजयाच्या जवळ घेऊन गेले. पण सिराजने अॅटकिन्सनला क्लीन बोल्ड करत सामना भारताच्या झोळीत टाकला. इंग्लंडचा डाव ३६७ धावांत संपुष्टात आला.

            🔸 सिराजचा कहर, जयस्वालचं शतक:
मोहम्मद सिराजने सामन्यात ५ बळी घेतले आणि ‘प्लेअर ऑफ द मॅच’ ठरला. तिसऱ्या दिवशी यशस्वी जयस्वालने ११८ धावांची खेळी करत भारताला मजबूत स्थितीत पोहोचवलं. त्याला रवींद्र जडेजा (६६) आणि वॉशिंग्टन सुंदर (५३) यांची उत्तम साथ मिळाली. भारताने दुसऱ्या डावात ३९६ धावा करत इंग्लंडपुढे ३७४ धावांचे लक्ष्य ठेवले.

     🔸 इंग्लंडकडून जो रूट आणि हॅरी ब्रूकची झुंज:
इंग्लंडकडून हॅरी ब्रूक (१०२) आणि जो रूट (१०५) यांनी दमदार खेळी करत सामना वाचवण्याचा प्रयत्न केला. पण त्यांच्यानंतर आलेले फलंदाज भारतीय गोलंदाजीपुढे निष्प्रभ ठरले. प्रसिद्ध कृष्णाने रूटला आणि बेथेलला बाद करत सामन्याला कलाटणी दिली.

       🔹 गोलंदाजीतही भारत आघाडीवर:
भारतीय गोलंदाजांनी तळाच्या फळीत अचूक मारा करत सामन्यात पकड मजबूत ठेवली. इंग्लंडकडून जोश टंगने ५ विकेट घेतल्या, अ‍ॅटकिन्सनने ३, तर ओव्हरटनने २ बळी घेतले.

मालिकेचा शेवट रोमांचकारी:
पाच सामन्यांची ही कसोटी मालिका २-२ अशी बरोबरीत संपली. एक सामना अनिर्णित राहिला. या विजयामुळे भारताने पुन्हा एकदा कसोटी क्रिकेटमधील आपली ताकद दाखवून दिली.

Editer sunil thorat